2017年4月25日 星期二

狸貓換蟹籽

是咁的…包包唔食菜

每次我都要用唔同方法食佢食,今次直頭用椰菜花做pizza個底去令佢食

無錯!係椰菜花,無麵粉及其他

呢d咁高科技份子料理當然唔會係我原創啦!係我睇台灣d食譜網睇到

於是就照跟,出來效果係好食但一凍呢就會較為軟身

呀包屬於聰明豆個仔當然知道分別

平日佢會食晒個脆批底再食餡,昨日就食晒d餡先用龜速速度去食個皮

不過我覺得係值得整,而且d減肥人事都可以整,佢味道真係唔錯的

你睇佢個樣同真實無乜分別,如果有時候焗耐d個底會更好食
幾好味的

做法:

椰菜花   1大個

蛋   半隻

芝士粉   半湯匙

Pizza 餡料:隨自己決定

椰菜花浸洗後就烚至軟身


瀝乾水份及放涼


放入攪拌機打爛


打完後放入煲湯袋隔渣


分兩次加入蛋及芝士粉撈勻


放上焗盤,焗盤上放上牛油紙,然後做成圓形


用220度火焗20分鐘


放上餡料,我就將雞柳用鹽及少少黑胡椒醃,醃完煎香再剪或雞條

再加菠蘿同磨菇,磨菇用罐裝,因為唔會出水

放上餡料再用200度焗佢15分鐘或芝士溶及金黃色就done




大少奶's Delicatessen

宣傳你的專頁

2017年4月23日 星期日

豆花

每逢星期六日都係我最開心family day

不過…今日大少爺返完教會後有重要事要做,我就同包包回家

等包包午睡後我就開始呢個工程..切豆腐

其實煮食年資只有10年,之前都無入過廚房乜滯

更無什麼刀功可言,即使呢十年我都唔覺得自己刀功方面有乜進步

咁點解我識切呢個豆腐?我之前晌唔知FB定澳門回程船中睇過個片段

個片段係永利酒店定永利皇宮個大廚晌片段示範整呢個豆腐

段片得十幾秒,就係呢十幾秒我就入晒腦

一直想試整,今日終於有時間...

其實切呢個豆腐除了豆腐之外,就係多對"筷子"



雞湯   500-750ml(自己視符需要也可以用現成的)

金華火腿    4-5片

冬菇、瑤柱可以隨意加

如果自己煲雞湯(最好用無皮雞),將雞略為出水,再加入1500ml水、金華火腿煲3小時做成雞湯,落少少鹽調味備用

豆腐做法:

硬豆腐一件,我今次用盒裝豆腐

豆腐先蒸5分鐘令其出水,而且豆腐唔會再煮只會淋上雞湯,所以先蒸一蒸好d


用一對筷子放晌豆腐上方(如圖),當刀切到筷子個位置時就停(咁個豆腐底部就唔會斷開)

盡量切薄

當切到最後就要小心豆腐會傾斜,呢個時候要用多一對筷子頂實另一邊,再用兩個碗頂實

呢個狀態hold幾分鐘


將豆腐轉方向(我會轉個枮板方向,盡量唔好郁件豆腐)

可以抽起一邊筷子及碗,用手輕輕按實就再打直切,又係切到掂到筷子就停

做成小格仔


如果你要放手時,就記得盡快用筷子頂住另一邊,等佢唔好塌下


輕輕用大菜刀剷起底部,慢慢放入碗

雞湯就再翻滾,淋上輕輕淋上豆腐面,豆腐就會散開做成花狀

灑上蔥粒同金華火腿粒便完成



大少奶's Delicatessen

宣傳你的專頁

2017年4月20日 星期四

泰式自助餐@Yamm

每年Yamm都會做泰國節,對於我來講係引頸以待

原因Yamm做泰國自助餐唔會係一般泰菜,冬陰功、蝦餅、魚餅、木瓜沙律大家都容易食得到

但Yamm每年都會與唔同單位合作,所以自助餐中有不同元素及風味泰菜提供

今年泰式自助餐係由泰國餐廳Bann主廚主理,當中泰菜菜式係未食過令我滿有新鮮感

雖然個buffet將會完結,但大家睇完後可以留意出年甚至可以留意下下一個月新主題

相信會如一出色的

本身帶埋包包去都會諗泰式主題佢會唔會無乜好食,其實泰菜都有唔辣的


云云前菜中,我最喜歡食呢個


佢係有蝦米、魷色乾、脆魚、腰果做成沙律

好好食,可以用好食到不得了去形容





其次係呢個沙律"泰式鯖魚生菜包"

同上面個唔同,呢個係炸魚加粉絲同香料然後用生菜包住食

呢個比較清新之前個就較惹味,見議呢兩個都要食多d,哈


今次泰式自助餐比之前較多熱暈

亦有唔辣熱暈所以包包都有得食

呢個燒豬頸肉,做到香味十足但肉質仍然嫩


呢個辣子雞,因為之前我腸胃不適所以唔太敢食呢個


呢個係泰式雞蛋燜豬腩

唔辣菜式之一,個豬腩做到好滑又融化雞蛋入味之餘唔無變硬

大少爺如果晌度一定狂食


泰式牛丸米粉


個湯底濃中帶甜,最重要係一碗粉裡面有細節位

就係有炸豬皮,成碗粉頓時多一個層次呢


當然一個自助餐實會有海鮮,呢度都有


剌身當然有



我必定食燒牛肉





睇相都覺得脆,哈


甜品方面,Yamm一向都多同味道唔錯

但我湊住包包影唔到太多相片呢

有招牌cupcake、雪糕、waffles、杯裝甜品、蛋糕等等


呢個係泰式甜品

紫米加龍眼、仲有椰汁唔太甜好味


冬陰功蛋糕 

呢個係海鹽竹炭椰絲糕,好味的

糯米糕軟糯,唔太甜,而且因為有海鹽所以有層次感


呢個幾得意,係類似 panna gotta咁既呢

SoRRy!因為帶住包包忙於服侍主子無影太多相片

但不要擔心!buffet內有好多唔同食物(我連鐵板燒都影唔到相實在罪過) 

價錢如下:

Price: (Adult / Child)

Lunch Buffet:

Mon – Fri:   From HK$308 / HK$178 (see the details)

Sat:            HK$368 / HK$248

Sunday Brunch Buffet:   HK$438 / HK$288

Afternoon Tea Buffet:    HK$268 / HK$168

Dinner Buffet:

Mon – Thu (except Public Holidays):   HK$668 / HK$398

Fri – Sun, Public Holidays & Eve:       HK$718 / HK$428

多謝觀看~也多謝招待



找到了

原來你是 我最想留住的幸運
原來我們 和愛情曾經靠得那麼近

茫茫包海中,我找到你的確是我的小幸運

上年遇見時驚為天人,當以為自己會忘掉佢時

原來要忘記並唔容易..................

再遇見一刻我重新戀上,甚至朝思慕想

每一日係每一日都要去搵佢、偷望佢

七日裡面我偷偷看再據為己有、不停循環

七日後要離開了,返到香港痛恨自己無帶佢返來

我講緊係我晌九州遇上海鹽牛油卷,晌日本只值100yen多d麵包讓我再墮入初戀中

佢味道好簡單,有海鹽味道及牛油味道,質感外酥香內鬆軟好食到不得了

返到香港我唔敢再諗怕自己會失落,但原來呢個麵包台灣d食譜網有好多食譜

我睇過晒後就揀一個感覺會成功嘅試做,第一次做完味道好好賣相唔靚

今次真正成功,而且做得到底部酥脆內鬆軟

雖然我第一部份用機搓,但如果手搓的話唔難的,因為份量比例個麵糰唔會太濕

所以會容易搓得到

簡簡單單但一d都唔簡單


包包好唔鍾意食麵包,晌日本佢食過後

我整完佢認得就追住食,仲食完一個後同我講:媽咪,我仲想要

夜晚大少爺食佢又爭食


食譜:fr莉芙小姐

高筋麵粉200g
低筋麵粉50g
鹽4g
糖4g
無鹽牛油20g
牛奶180ml
酵母4g


包料
含鹽牛油 5g x 8件
鹽適量


做法:

包料用嘅牛油放入冰格,最好切成長條型備用

將高粉、低粉、鹽、糖、牛油、奶及酵母放入麵包機搓麵糰

如果用手搓就將鹽同糖放最底,放高粉、低粉、牛油同酵母,最後分3次加奶
搓成糰後就撻及搓到起薄膜為止
搓圓發酵至兩倍大

麵糰第一次發酵後就排氣及整圓 


切成均等份量 (8份)


用手指按住個尖位,用麵轆向上轆平


做成以下型狀後,晌頂端加入牛油

除了包牛油外可以灑上少許海鹽,然後向下捲起


第二次發酵大約45-50分鐘


第二次發酵後就掃一層鮮奶再灑上海鹽

焗爐預熱 180度焗 20分鐘




大少奶's Delicatessen

宣傳你的專頁

2017年4月18日 星期二

春天BB飲食篇

春回大地看似朝氣勃勃、生機處處…  
但對我嚟講係最煩惱季節
回南天潮濕,空氣都唔見得好,甚至春天係花粉症嘅高峰期
仲有轉天氣帶來嘅呼吸敏感,空氣濕度都會令皮膚容易敏感
甚至腸胃都因天氣而作出改變    
    
家長們係最煩惱嘅一群
用抽濕機抽濕會令屋企的塵更浮現、多塵小朋友又容易鼻敏感   
空氣質素在室內可以用空氣清新機,但係一出門口又係避無可避    
    
最困擾家長嘅皮膚敏感雖然有好多因素逃避唔到,但控制腸胃係一個好嘅方法
濕疹同腸胃好有關連,如果腸胃唔好就更容易令濕疹發作  
食物避免食剌激腸胃嘅食物例如煎、炸、辛辣…,同埋濕熱嘅食物都盡量避免  
     


南瓜屬濕熱食物,雖然佢甜美容易得小朋友歡心,但要控制份量
番茄嘅籽都屬濕熱食物,所以煮番茄怕濕熱嘅話就可以去籽
芒果、菠蘿都係濕熱嘅,雖然呢兩種生果係我最喜歡,但我都唔敢食太多
仲有龍蝦、蝦、蟹類都唔能夠過量   
其實小朋友可以食益生菌去調理腸胃,亦可以食鮮淮山去健脾    
    
至於 BB 呢?BB 選擇防敏奶粉好重要    


最後醫生建議轉食 pHF 水解蛋白配方奶粉,之後睇過啲資料知道水解技術,是除將較大的牛奶蛋白質分子分解成約十分一的大小以外,還特別針對蛋白質裡面的致敏原進行切割,降低牛奶蛋白致敏性,給寶寶全面營養。所以唔好以為奶粉令 BB 肥肥白白就叫好,在飲食上預防敏感都對 BB 各方面健康好重要。(詳情: https://goo.gl/o5uK0i )




#資料由雀巢營養天地提供