2017年11月22日 星期三

反式健康

第一次覺得麥皮如此美味係因為呢個"麥片蝦"

一直以為要買專做麥片蝦嘅麥片去做,原來真係用普通麥皮就做得

你咪以為我唔食麥皮屋企就會無

屋企長備一包麥皮但無人會食咁解之嘛

做法都唔難,最難係要炸一炸d蝦,我知又會有人問焗呀?煎呀?等等

呢個菜式要香一定要將d蝦炸一炸,反而個麥片係炒香就可以

麥皮同九層塔(或用咖哩葉)、蒜頭、辣椒、鹽炒香後真係堅好食,甚至用麥麥撈飯



蝦     8隻

蛋    半隻

生粉     1湯匙

麥皮     半碗至1碗

九層塔    5片(原本應該用咖哩葉但我買唔到)

蒜頭   2粒

辣椒    1-2隻

鹽     1/2茶匙

牛油    1湯匙

做法:

蝦去腸、煎走蝦眼及腳索乾水再放入雪櫃半個鐘

加入半隻蛋撈勻,再加生粉撈勻


用大火力炸熟,要大火先會夠乾身


用牛油爆香九層塔、蒜頭、辣椒


倒入麥片開始炒,用中火去炒,要邊炒邊兜勻


炒到金黃色就可以將蝦回鑊再兜勻便完成喇!佢真係好好食





大少奶's Delicatessen

宣傳你的專頁

2017年11月21日 星期二

防敏到底係由幾時開始先好呢?

防敏到底係由幾時開始先好呢?

懷孕時好多有經驗甚至無經驗嘅朋友都喋喋不休咁同我講:唔好食海鮮、唔好食芒果、唔好食牛肉、唔好飲凍嘢、唔好食乜乜、唔好食乜乜






否則BB出世後會乜乜物物敏感

雖然包包係我第一個BB,但本能上我都會諗:係咪呀?

於是我就做research,說法不一

最後問醫生,或者我問正個醫生比較貼合我思維

佢話:敏感其實係視乎於父母本身有無敏感,如果父母兩個都有敏感,BB就可能會有遺傳

um...最後我就從自己嘅想法去做

海鮮唔食蟹因為寒涼、唔食貝類容易中毒、唔食芒果怕濕熱、牛肉有食仲常常食、凍飲偶然會飲但唔會隨便飲因為唔知冰塊會唔會唔乾淨.....

包包出世後皮膚好靚、無乜敏感

不過…去到4、5個月時佢開始有鼻敏感及濕疹

鼻敏感就好明顯係我屋企大塵引致,因為我住嘅區域不停起樓、國際學校
跟本就係好大塵,唯有長開空氣清新機、勤換床單
盡量唔好積存毛公仔
將令佢敏感嘅元兇減到最少

咁到底係咪我防敏做得唔足呢?

我轉左含pHF水解蛋白配方嘅雀巢®超級兒童能恩®奶粉比佢食,佢啲濕疹好快就消失
好多媽媽都會因為見BB皮膚唔好有濕疹去自責,不停問:係咪我大肚時唔聽話食過海鮮?牛肉或其他?
當包包轉奶粉後皮膚幾乎立即好番,我就深明腸胃同皮膚係息息相關
正如:我每日食薯片,最終就會出暗瘡

長期食芒果同荔枝會起紅疹


甚至食麻辣火鍋必會肚瀉

人身體好多毛病或不適都從飲食及腸胃有關

尤其BB腸胃發展未成熟,而奶粉係腸胃及皮膚嘅關鍵

雖然最後未必完全可以控制得到腸胃發展,但至少都要盡量揀一隻好配方奶粉,將佢敏感機會減到最低

到現時,包包仲keep住食緊雀巢®超級兒童能恩®4號奶粉,揀pHF水解蛋白配方嘅奶粉俾佢,不單止poo poo去得好,仲有助防敏令佢皮膚無乜問題,俾bb全面營養,能健康快樂地成長!

想了解更多,可去呢到睇吓:https://goo.gl/z6YEDN

#資料由雀巢防敏1000天計劃贊助 #防敏好時機 #腸胃 #皮膚

2017年11月20日 星期一

彩虹方程式


大部人見到彩虹都會開心,彩虹感覺好有希望
即使天不會常藍,但雨後會有彩虹
正如呢個彩虹啫喱,只不過係啫喱但大部人見到都會"嘩"一聲
呢個彩虹啫喱係昨日同班教友BBQ,整嚟做甜品
其實唔係難整但要心機
我估啫喱人人識,但其實呢個係有一個方程式



我用一個1500ml模,當中整6隻顏色
彩虹本身有7隻色,個綠色同青色要合拼為一隻色
我有將啫喱分成6層,每層 150ml,而白色係椰汁奶凍層就每層80ml一層要做5層
最尾一層紅色就可以加多少少,否則倒轉放時會無咁凸出

點樣知道自己個模有幾大?好容易將個模入滿水再倒落量杯中就知
知道份量後再去計每層有幾多ml

我個比例係一盒啫喱 80g對160ml熱水,做出來有200ml份量
但我只係用150ml,其餘50ml做到個細版本


整啫喱無難度,但其實將熱水倒入啫喱粉未必會溶晒
所以熱水+啫喱粉攪勻後仲要座一座熱水確保完全溶晒
啫喱要做完一層先再開另一層啫喱粉



反而想講要買齊6隻色啫喱唔容易
我去一間一田、一間百佳、一間惠康先買得齊
本身我想6隻色都買Jello,但係我呢邊間一田得兩隻色
然後其餘超市都係唔齊色呢,最難買係綠色
藍色一定要買jello



咁椰汁奶凍層點做?
我要做5層即係400ml,但要預多100ml做走踐位
咁用250ml椰漿+250ml奶+4茶匙糖+25g魚膠就成奶凍層
椰汁層可以一次過做起,如果怕凝固可以座暖水



每做完一層啫喱雪到凝固就加一層奶凍再雪到凝固後重複倒上啫喱

就係咁…就可做到喇

不過…我做成一日,大少爺話我做乜不停進出個廚房呢

#彩虹係上帝同人嘅約定
#BlueMonday變成彩色



大少奶's Delicatessen

宣傳你的專頁

2017年11月17日 星期五

一Beer可炆牛

通常我寫完遊記就比生活重回正常軌道

出廣告前都要出個食譜先

一返到自己屋企第一時間都要煮飯,起碼食返幾日住家食物先

唔可以比包包食慣外食,去旅行每一日都要有一餐清清地,否則小朋友習慣太豐富會變得更擇食

昨日晌度諗煮乜好,即管去一田邊行邊諗跟住見到牛肋條又想炆

但又唔想炆太濃味再繼續行望一見到啤酒

不如就煮啤酒炆牛肉,用啤酒炆可以鬆化牛肉肉質,加洋蔥、紅蘿蔔同薯仔一齊炆

比較清又唔會無味,一於咁話

正所謂:人生唔能夠淡而無味亦不能太重口味

呢個就啱你,哼



牛肋條   約 1磅

洋蔥   1大個

紅蘿蔔   1條

薯仔   1-2個(我用小新薯就大約5個)

蒜頭   2粒

啤酒   1罐(我求其買罐,你可以用黑啤)

冰糖   1小粒

生抽   少許

鹽   適量(最後先落)

牛油   適量

做法:

牛肋條切大粒,中發白麻雀咁大粒,放少少生粉撈勻

紅蘿蔔、洋蔥、薯仔切件

牛油爆香洋蔥、紅蘿蔔、蒜頭,然後放牛肉入去炒至轉色

喜歡香草可以加少少

贊少少生抽入去兜勻



加一粒小冰糖


倒晒一罐啤酒入內 ,滾後就轉小火蓋炆 45分鐘

呢個時候先加入薯仔,再炆30分鐘便完成

跟住可以加少許香草及放鹽調味便完成,鹽絕對要最後先落



大少奶's Delicatessen

宣傳你的專頁

2017年11月16日 星期四

波兒

旅行完後感覺一頭煙,好多工作都無從入手咁

個人仲係好累,又覺得有壓力

呢個時候我通常都會埋頭苦幹去整嘢,當然最好係整嘢食

我好鍾意炸嘢,炸物所花心機係比一般食物更多,我會好集中精神去炸

既然今次用來減壓就整望到會開心食物

呢個豆腐冬甩,又名:波堤冬甩

佢用豆腐做但因為有用白玉粉或糯米粉,所以係煙煙un un

其實做個過程係好治癒又有滿足感呢

我係跟個日本網站整,整完人都開心d呢 


食譜:tastyfood改編

軟豆腐   250g

白玉粉或糯米粉   100g

低筋麵粉    100g

糖   50g

粟粉   1湯匙



做法:

將所有粉加糖撈勻


豆腐壓爛


將所有粉加入豆腐內撈勻


撈成一個大波波


牛油紙剪成小四方型

再搓成小波波,6粒成為一圈放上牛油紙

每一粒都要互相緊緊貼一起


將冬甩連牛油紙一齊放入油鍋內炸,當定型後可以夾出牛油紙


炸至金黃色就可以撈起


可以灑上糖霜或沾上朱古力再裝飾



大少奶's Delicatessen

宣傳你的專頁

2017年11月14日 星期二

分分鐘

這一分鐘的我

起身、梳洗、爽膚水、精華、搽cream、防曬、飲杯水、食維他命、侍奉主子起身、監控主子刷牙洗臉

弊!未預備午餐

下一分鐘的你

lunch time、工作、飲杯水、去洗手間、就放工

弊!今晚煮乜好?

煮食最大煩惱係無時間,洗、切、醃味都要時間

辦法總比困難多…呢個味噌煮雞腿就快、狠、準地完成

即使唔記得醃定整定,都能夠晌短時間內完成得到呢,哼



食譜:

雞下腿   4隻

調味

味噌  2湯匙

生抽   1湯匙

味霖   1湯匙

糖     1湯匙

水     2湯匙


味噌+生抽+味霖+糖撈勻做成醬汁




將雞下腿中間界一下,界開佢煎易熟d,然後搽小小鹽摔勻佢就可以煎



煎至金黃色之後就倒入醬汁,然後蓋上著用細火煮3分鐘

跟住打開蓋煮至收汁便完成



大少奶's Delicatessen

宣傳你的專頁

雀巢防敏1000天之返學預防篇

包包正式返學,晌呢三年幾以來都感恩佢都係好容易照顧嘅BB
晌佢半歲時出現濕疹,當轉食雀巢®超級兒童能恩®奶粉後濕疹就開始好轉
佢食得瞓得poo poo得基本上無乜需要擔心

BB時期只要食啱奶粉,預早防敏就已經煩少好多
BB腸胃發展未成熟,如果奶粉蛋白質難分解的話就好容易產生各類敏感,所以揀防敏配方奶粉係最穩陣,所以好得用家推薦 https://goo.gl/5TMP1v




如今包包踏入新階段,又要面對新一項挑戰
讀書問題我未係最擔心,反而身體健康方面就開始要做足準備
據聞小朋友晌幼稚園係好容易互相感染,只要有一個小朋友病病就容易傳染其他人
所以現今我覺得打好個底,做定防備措施讓包包有抵抗力

#資料由雀巢防敏1000天計劃贊助 #包包返學 #幼稚園防敏


其他防敏經驗交流與分享:

燉蘋果
早前有一位網友教我,用1個紫洋蔥+1粒獨子蒜+半個蘋果隔水蒸燉 1.5小時
一星期一次可以增強抵抗力



奇異果
每日一個奇異果吸收維他命C,令自己可以防備傷風感冒



預防針
呢樣係值得商確,包包有打針但唔代表佢一定唔病
流感針唔係隻隻流感都可以抵抗,而且病菌不停變種
所以呢樣家長們只可以參考,實際係要自己了解



口罩
近日包包終於明白口罩係幫助佢,自己病病時一定要帶口罩
多人病病都要自己帶口罩
入診所要帶口罩
搭車加上流感高峰期必定要帶口罩
訓練小朋友帶口罩真係好重要



洗手同潔手液
洗手好重要,要小朋友唔摔眼唔摸鼻甚至唔放隻手入口都係好困難
小朋友反應好支接,邊度痕隻手就往邊度走
所以加強佢哋意識到洗手重要性


營養
要比多d有營養食物小朋友,食好正餐好重要
唔好習慣零食而唔食正餐
各樣都要有營養令身體更強壯


2017年11月13日 星期一

Day 5 @ Osaka (黑門市場)

好快就last day

快樂與不快樂的日子同樣會過去,每一日都是新的一天

所以我無太大唔捨得,反而要諗點樣追番幾日工作

同埋點樣去安排返好時間表

包包同我講:我唔想返學,我想留日本

我:每個人都有自己崗位,你要返學、媽咪要照顧你同寫嘢、daddy要返工

好彩包包今日返學都係帶住開心心情呢




幾年後再行黑門市場,感覺多好多即煮即食店鋪,而且都好多有相同之處

賣牛肉鋪頭都多好多

2009年行過,今年再行感覺有點不一樣

但我2012年時去過京都"錦"市場,好行又大得多呢

我係旨在影相,同埋買食材










行完食完午餐返去再執埋行李走


見到有間賣唔疑似菠蘿包店,香味太重大少爺就走去買

邪惡到不得了,我無食個大少爺讚不絕口


佢之前一晚等臭包瞓後去夾公仔,又比佢夾得到

我諗我係唯一想佢夾唔到嘅人又諗唔明點解佢次次中



我今次無乜食過壽司,唯一一餐……但都無乜好介紹

有d晚餐我 skip左無寫,因為通常夜晚我會帶包包去食烏冬,等佢唔好餐餐都咁雜

但又無乜邊間烏冬好凸出連相都無影

大少爺今次無乜揀到心水杯麵,消夜都唔係食太多

帶住個仔去旅行所有心力都比晒佢



今次買少量碗碟同雜物

仲有呢個芝士脆片非常好味袈


去機場大家都會買薯條三兄弟,其實呢個係三兄弟個friend,又係超好食


大阪過關係十分長龍,排完一大爛餐後沖去買手信買手信

然後又排一大爛餐比錢,超多人


呢份係包包兒童飛機餐,未免有點"得人驚"

哈~

出年如無意外我飛加拿大,希望仲搵到時間飛多轉日本啦

今年去四次旅行,都感到滿足喇




大少奶's Delicatessen

宣傳你的專頁