2006年8月24日 星期四

又再摷雪櫃.......蒜蓉牛油焗蘆筍魚卷


急不及待post上來,因為我又有新既摷雪櫃傑作
話說今日下晝整果幾個 pretzel整好耐,塊麵糰仲難過整pizza
整完又累唔想落街,又唔想出街食喎!
就打開雪櫃諗餸,開冰箱有雪藏魚柳、有近來必有既蘆筍、仲有整pizza用剩既火腿
就用火腿卷著魚柳同蘆筍,魚柳溶雪用鹽同胡椒塗勻就用得,蘆筍略炒
如果驚個卷唔實就用牙纖固定,落2湯匙雞湯加少少牛油溶液同蒜頭放焗爐
就整左以下既魚卷喇!味道好好呀!因為牛油同蒜頭已經夠味好香唔駛再煮汁
用焗爐煮餸首先用錫紙蓋面焗就會易熟又唔會乾身
想香口就晌熟既時間開錫紙再焗到理想金黃色,咁就唔怕焗乾或裡面唔熟




沒有留言:

張貼留言

歡迎大家留言,但會先檢閱先會顯示,謝謝
此舉避免無聊九唔搭八人滋擾