今日見完Amy就到Apm會合晌九龍灣上course既大少爺
但去到我好眼瞓好想返屋企
就諗唔到食乜就買壽司、剌身返屋企食
特登去Apm吉之島買，兩個都傻傻地
食完既整"椰汁年糕"
原本想過兩日整，但係我已經差唔多成個星期都瞓 得唔好
對於一個每日要有十小時睡眠時間既我…簡直係折磨
想晌過年前可以休息兩日，唔駛殘晒咁過年
個食譜我自己改過，因為我鍾意椰汁味重啲
圖中係食譜一半份量，而且我用錯模所以較扁身
粒紅棗係裝飾的
食譜:
Part A
冰糖 (
我無跟份量，自已試味認為夠甜就可以)
椰漿 400ml
水 200ml
Part B
油 50g (唔好落花生油)
Part C
糯米粉 400g
粟粉 200g
做法：
1) part A煮沸直至冰糖全融化後放涼加入Part B攪勻，做成椰汁糖水備用
2)將part C用篩遂少篩入已做好既椰汁糖水，慢慢攪勻
3)用篩隔一次漿至幼滑，慢慢倒入已掃油糕盤內
4)用牛油紙或微波保鮮紙蓋面，大火蒸25分鐘或直至熟透
備註：
油一定要落否則年糕好易裂
回覆刪除嘩哈哈哈！多謝通報！畀我做到第一！
回覆刪除honey 你呢個椰汁年糕雖然扁o的，但個樣好高貴啊！普通o的食物一經你手，身價即刻提升呀 ~
回覆刪除大少奶， 利害呀！又一賀年傑作出爐啦！ 佢又白又滑呀，好成功呀！ ^_^
回覆刪除呢個年糕個造型好特別啵！
回覆刪除都幾薄wor 易入口 訓十個鐘 呀 @@ 好多
回覆刪除大少奶.. 以你咁既身體狀況, 要好好多d休息.. 就黎過年,, 養好個身體過肥年呀!! (希望你黎緊都會有覺好訓啦!) 仲有你個椰汁糕好得意... 唔似一般棷汁糕既size, 但薄薄地一件, 唔怕太多食到好漏... 真係諗得好周到!
回覆刪除這片年糕有高雅感覺
回覆刪除你幾圁係apm呀！我今日around 6:15pm - 6:45pm左右都係apm Jusco 呀！咁近我都唔分一半蛋糕給我，作死呀！
回覆刪除又用左我粒Raspberry
回覆刪除大少奶, 紅色的紅棗即刻令個椰汁糕型晒啦~~~~~~~
回覆刪除嘩, 你平時可以有十小時瞓架 你就好啦, 我唸你皮膚一定好靚喇
回覆刪除大少奶, 哈哈, 原來我同你一樣, 日日都要瞓至少10個鐘先夠~~ 而且你仲利害啦, 渴睡中都可以整到個咁靚嘅年榚! 不過.... 咁好椰汁... 都係下次先預我喇!
回覆刪除笨 B 媽媽 有d咁既樹？ 幽靈公主 多謝你 豆豆樂 係呀！切出來就會一條條 小愛愛 訓十個差唔多啦！有時仲多 幸福小女人 - Diana 得兩個人所以整一半份量 See 多謝 Cindy 大約五點逗留一陣就走 vanlily 你好快d整紅棗蛋糕 珍妮仔 係？呵呵呵呵 小熊子 我明喇 iaoiao 我太夜訓，皮膚晌生理期前變得好差 咪咪吉 你唔食椰汁？
回覆刪除當我見到part B嗰d油想問唔落得唔得嘅時候就睇到備註，大少奶有先見之明，勁！
回覆刪除大少奶, 係呀, 我好驚椰汁陣味.... 但係~~ 我又飲椰青喎!
回覆刪除泡泡 哈哈！因為初初我都唔想落油 咪咪吉 你將冰糖轉片糖、椰漿份量轉為水 就係你平時食既橙多年糕
回覆刪除咪咪吉 你將冰糖轉片糖、椰漿份量轉為水 就係你平時食既橙色年糕
回覆刪除笨B媽係到打劫。 但個椰汁年糕真係好正，好想食 成地口水，失禮哂。 毛虫家族條大毛虫真係好胃食。唔好見怪我啦 唔知幾時先可以食到靚太整D野呢
巧正呢 令我想起【華麗園】嗰個椰汁年糕, u're so 勁 大少奶: 你真的會整紅棗蛋糕呀, 好期待呀 因為我鍾意 紅棗 related 嘅嘢
回覆刪除
回覆刪除都唔錯啦
回覆刪除我估一定好軟滑, 睇見都好煙un呢.
回覆刪除大少奶 ~~ 好羨慕你一日訓十幾個鍾 我一日先訓8個鐘阿 因為小寶起身 我會跟住起身呢 你這個年糕好正 靓得o黎好純潔o既感覺 我好想咬一口 感覺其中味道
oh! my dear 家嫂!! 我昨日都想去apm買送 但昨日放工唔係o個頭近所以無去!! 今日就剛剛去完....估唔到cindy又出現過... 你個年糕, 至無得頂係粒紅棗!!!! i"m lovin' it!!! 煎左來食未呀? 我覺得煎都好考功夫. 每次唔煎得多唔係好易痴埋 "一堆lui", 心急如我o既人就... 我老媽整o既年糕好軟滑, 平時都會整俾我地食. 但就無椰汁. 家嫂快d補充睡眠啦, 訓覺真係對皮膚好好好重要. 要好似d年糕咁滑咁過年~
回覆刪除
回覆刪除大少奶: 你真係好勁! 逢親咩節日, 你都可以整到咁靚的節日美食. 而且重可以瞓到咁多個鐘. 入得廚房, 出得廳堂, 怪不得大少爺咁錫你啦! 如果我想做啡色果隻年糕, 係咪只要用黑糖代替冰糖就得? 有冇其他要注意的地方? 我想放假時試下整!
回覆刪除谢谢分享