2007年5月8日 星期二

祝你福如【東海】


大少爺生日對我來講係一件盛事,當然要用打斧頭既私己錢請佢食一餐
但今年同母親節同一日我原本計劃過去Sabatini,但當日有母親節special
所以正日決定晌屋企自已煮,自已整埋生日蛋糕
問大少爺預祝想食乜?佢答中菜,真係考起我
中菜我食嚟食去都係嗰幾間,諗到頭痕,最後大少爺話去結婚請客嗰間東海,重遊舊地
去到大少爺點菜,上到枱我先知食乜
最攪笑我食到中途覺得要叫出名既壽包賀一賀佢
到壽包上枱時我已經好飽,一打開蒸籠個壽包好似我拳頭咁大,跟本食唔落
最後要拎一個返屋企聽日午餐食,不過真係好好味
呢餐都好好味!連唔鍾意食中菜既我都讚好
每人一份既......鮑魚扣鵝掌
隻鵝掌又大又淋又入味:平時唔食既我都忍唔住食,淋滑到用刀叉就食到
鮑魚好味又香


每人一盅既....佛跳牆
我影得唔好,其實好多材料,有鮑、參、翅、肚、原粒瑤柱、冬菇、雞、雲腿
初初見到咁清以為唔好味,原來好鮮味架

兩小碟既蒜拍青瓜、燒腩肉
兩樣都好好味!個燒腩肉好脆又唔肥

Xo醬炒蝦球、帶子



水晶雞....好好味好滑,初初見到有紅棗同杞子以為會好怪味,但出奇好味呀

蛋白扒冬瓜.......好清
另一碗豬骨稻亭麵........我居然幻想會似東京既博多天神,以為好濃味但好淡

  
紫米露

好好味既壽包,聽日午餐就食一個壽包,因為食唔晒拎一個返屋企


Cheers!

嚟緊我要努力整好第一次親手造既生日蛋糕,努力呀!
仍然未買到生日禮物呢

30 則留言:


  1. 大少爺生日快樂 .... 我係第一個同你講定先  早過你老婆

    回覆刪除

  2. Ivany 食飯時我已經講左喇! 哼!

    回覆刪除

  3. 等我都祝大少爺生日快樂...越黎越錫大少奶!!!

    回覆刪除

  4. 預祝大少爺~Happy Birthday ~ btw, 好期待睇大少奶自已整o既生日大餐同生日蛋糕

    回覆刪除

  5. 大少爺, 生日快樂呀 ~

    回覆刪除
  6. 大少奶, 呢個真係名符其實嘅 "東海" 二人餐喎 !! 睇佢個份量真係好似啱啱足夠 2 個人食咁喎, 不過睇嚟都真係好豐富嘅一餐, 再加上每人一個超大嘅壽包做壓軸 (真係講起都掛住個大壽包呀 !!) 祝大少爺 "生日快樂 !!" ( 因為大少爺快樂 = 大少奶快樂 )    

    回覆刪除

  7. 哇, 黎黎黎: 祝 大少爺身體健康  你老婆都身體健康 (咁就兩個開心唔駛憂心!!) 生日平日都快樂!!!   家嫂今晚我同茄子人家人去左食母親節食飯. 你地今餐真係好多野食喎.(我係勁鍾意食燒腩架!!)  

    回覆刪除

  8.     好味呀 !   http://hk.myblog.yahoo.com/Spindrift-HK

    回覆刪除

  9. 我都祝大少爺 生日快樂!!! 同大少奶日日都咁sweet~sweet~

    回覆刪除

  10. 東海個壽包好好味o架!!!!yummy! 大少爺生日快樂!!!

    回覆刪除

  11. 真係好大個壽包, 我生日都係愛食壽包多過蛋糕

    回覆刪除

  12. 今日主角變左係大少爺添, 等我都講聲「生日快樂」 好想快的睇下大少奶你整既生日蛋糕呀~~~

    回覆刪除

  13. 大少奶你一出關就食啲咁正嘅野!!! 羨慕死人咩 ??? 大少奶係到真係要多謝你一聲 因為今日我同蔡師奶約會 我倆食咗你勁推介~~勁正嘅 Haagen dazs 既邪惡下午茶 你真係無介招錯~~我倆食到 ------>  與蔡師奶及綿花蛋糕的約會

    回覆刪除

  14. 喔!! 大少奶原來你哋去咗我舊公司同大少爺慶祝生日呀, 灣仔店呀? 好彩你哋都好滿意 , 如果唔係我定同你反映, 鏟到佢哋上天花板....   你哋結婚都係起東酒擺酒ga? 邊間呀? 大少爺祝你福如東海呀!!!

    回覆刪除

  15. very nice dinner   happy birthday to your husband

    回覆刪除

  16. 洗左幾多私己錢呀

    回覆刪除

  17. 嘩預祝都食到咁豐富,咁正日你整個餐一定不得了 預祝大少爺日快樂!身體健康!

    回覆刪除

  18. 預祝大少爺生日快樂! 大少奶的潮門夜宴成功!

    回覆刪除

  19. 大少爺既生日到拉 我都要送上祝福 祝大少爺壽比南山  大少奶  你地呢餐好正阿 好豐富既一餐 不過 我更加期待正日果餐阿 ~~ 好似自己有份食o甘 無論做咩蛋糕都好 我知你一定唔係做 cheese cake 唔知你做咩cake呢

    回覆刪除

  20. 呢個人所得餐好正wo!埋單幾多錢呀? 預祝你同大少爺有個開心難忘既豪門夜宴!

    回覆刪除

  21. 祝: 大少爺生日快樂, 福如東海 大少奶: 我讀書讀到癲-ed lu , 巧miss u 呀   你買o左禮物味呀 ?
     

    回覆刪除

  22. 1. 祝: 大少爺生日快樂 2. 用打斧頭既私己錢請佢食一餐...大少奶~~~you are soooooooo nice!!!! 3. 燒腩肉 I love to eat...  

    回覆刪除

  23. 同心愛的人食飯,咸魚白菜都好好味!  預祝你愛人生日快樂! 

    回覆刪除

  24. 大少爺一定好開心喇,有你咁嘅精心安排同佢慶祝生日!

    回覆刪除

  25. 哇哈哈哈!大少奶...點解盅佛跳牆裡面o既鮑,參,翅,肚...我一樣都睇唔到o既?! 呢餐飯有無清晒你打斧頭得返來o既私己啊? 大少爺同你一個中一個西...中西合璧呢! 我都係到同大少爺講聲生日快樂先!(差D想講Happy Birthday,但係大少爺鐘意中...所以講返中式o岩D )

    回覆刪除

  26. 嘩~ 你2個都食得ok多野喎~~ 仲咁應景係食鮑魚!!! 陳生都好鐘意食中菜嫁~ 搵日一定去試下! 佢實岩食個個燒腩肉(夠肥嘛!) 預祝大少爺生日快樂~~

    回覆刪除

  27. 好吸引的一餐~ 祝大少爺生日快樂~ 心想事成~

    回覆刪除

  28. 好好 餸呀 兩個人食咁多個 餸 食得晒咩? 祝大少爺生日快樂喎 咁好 餸 大少爺 一定 快樂啦

    回覆刪除

  29. 大少奶, 咁你會買咩? 我都仲未諗到+未有時間買....

    回覆刪除

  30. 嘩... 大少奶.... 你將溏心風暴搬左上個Blog??? 睇到我d口水都流哂... 好肚餓呀!! 祝你同大少開心過生日!!

    回覆刪除

歡迎大家留言,但會先檢閱先會顯示,謝謝
此舉避免無聊九唔搭八人滋擾