2007年9月24日 星期一

邪風


我學蛋糕既生涯上,最成功最多人賞識既係一系列既戚風蛋糕
因為打蛋白係我強項,所以蛋糕非常鬆軟
但呢段時間要禁風
至高無上親愛的菇奶奶(Auntie goo菇姐)放大假、下令我唔准整戚風蛋糕
我近幾個月整戚風就會有風
1)我八月有次整戚風,網誌標題係:想和你戚戚風,結果:打風
2)當以為颱風遠去時,我整德爾哥比風菠蘿蛋糕,打算送比索龜GG
當個蛋糕出爐、放涼、入盒預備出門口時
就8號風球,個遠去既風居然回頭

3)八月尾我狂整唔同口味戚風蛋糕,香港風平浪靜
但晌我去日本前兩日,東京九號風球
而且另一個風亦吹向日本
好彩後來個風轉向(一額汗)

4)早幾日秋香兄弟生日我整德爾哥比風菠蘿蛋糕
跟住星期六因為親友喜事,就連做幾個戚風與姊妹團分享
結果星期日就打一號風球

至高無上親愛的菇奶奶就警告我晌佢大假期間唔准再整戚風蛋糕
連表弟到訪當日都同佢女友講:你唔想返工果日叫表姐整戚風蛋糕啦
噢!我既拿手戚風蛋糕變成【邪風】
放心!放心!呢個蛋糕係我早兩日整既,見脫模脫得靚先post既~




P.s 當然能夠阻止我做戚風只有
菇奶奶一個,其他人.....哼!
我呢種非一般有性格既人,越叫唔好我越要整,小心!!!

34 則留言:


  1. 親愛的蔡蔡子 呢個係原味啊! 你睇下月餅個post,菇奶奶寫我紅油大字布添呀 圓美碌碌夫人上  

    回覆刪除

  2. 噢!!!!!!!!!!!!!!! 家嫂你真係乖!!!!! 搭訕埋 蔡蔡子 : 上次我地四風婦前後出手, 加埋家嫂 埋門一腳, 就成就左個八號波啦. 下次大家整呢, 係咪要有個互相通報機制呢? 例如家嫂一整, 就掛定一號波出來, 大家就要戒備, 忍下手唔好整住.... 家嫂, 你仲要列明係 東北季候風,  抑或  西北列風......或你吹過o既南風啊!!!!  

    回覆刪除

  3. 菇奶奶 其實個通報機制最重要係問對方近況 例如....... 近排有無街去? 係咪放大假? 各人老公係咪放大假?(呢樣對我比較重要) 有無約人? 有無特別節目? 同大時大節都唔好整啊!

    回覆刪除

  4. 圓兄弟, 拜託你星期六一定唔好整呀! 我要飛我要飛呀! 求下你求下你! 秋香兄弟

    回覆刪除

  5. 無錯!!!! 呢個係超級重點!!!! 一定要問清問楚, 又或者可以好似你之前提過咁: 1. 有無人呢期想唔返工, 想放返一兩日? 2. 有無人呢期覺得太熱頂唔順想吹吹風? 3. 有無人pms 心情唔好但又唔想請咁多sick leave? 我地真係秉承:  人人為我   我為人人  o既精神啊.

    回覆刪除

  6. 秋香兄弟 為左你 我呢個星期六一定一定一定唔再整戚風 我一定要令你去旅行開開心心 你有邊日唔想返工,我叫晒4大風婦一齊發功 菇奶奶 係呀!再或者.......... 有邊個既 對頭人 旅行、搬屋、嫁娶、返新工 我地都會視符必要整戚風  

    回覆刪除

  7. 哈哈~!大少奶的威力好大呀~ 真係好(邪)呀~.........

    回覆刪除

  8. 家嫂: 我同茄子人家陣全副武裝去 marriot搏命啦!!!!!!!!!!!!! 等我地返來報告戰蹟啦!!!!!!!!!!!!!!!! 為我地打氣!!!!!!!!!!!!!!!!

    回覆刪除

  9. 老公終於有時間,好在我星期三飛,大少奶手下留情!

    回覆刪除

  10. Agro Panda 如果小型傢私既用品可以揀  Salut 如果家居飾品就各大百貨公司同埋Parco都好多好靚 仲有去澀谷必行Loft,都好多靚野架 菇奶奶 我今日就算幾忙都等你滿肚花膠彈下彈下回歸  TeReSa 係好(邪)既風啊

    回覆刪除

  11. 多謝你嘅advise呀!

    回覆刪除

  12. 哈哈 ~~ 大少奶 原來你呢個邪風o甘勁 不過我知道已經好遲  因為你已經進入禁風期 唔係我熱到暴既呢幾日 可以叫你整一整 可能極度炎熱期會好轉 

    回覆刪除

  13. 圓兄弟, 鍚哂你呀!  台灣美食等緊我呀! 秋香兄弟

    回覆刪除

  14. 真係咁邪~~?  中秋節快樂!!!

    回覆刪除

  15. 大少奶
    你張墊木台紙響邊買嫁?d pattern好令呀

    回覆刪除

  16. 大少奶, 預祝你中秋節快樂

    回覆刪除

  17. 朱囡 呢張晌東京買既 Moteko 多謝!中秋節快樂 秋香兄弟 你出一句聲我點都唔整戚風 圓兄弟 影子 你忍耐到十月、十月佢地去完旅行、放完假 我就幫你開爐 Agro Panda You are welcome

    回覆刪除

  18. •°♡°•QQ•°♡°• 多謝!中秋節快樂!

    回覆刪除

  19. 大少奶, 我已經check過呢星期尾會好天有太陽!我求下你唔好整戚風住啦!~~~~~~  

    回覆刪除

  20. 大少奶 ~~ 果陣到我叫你唔好整阿 我10月尾要出島 11月要去曼谷阿 你既邪風聽落好勁 我都要睇住小心d阿

    回覆刪除

  21. 大少奶, 咁你千祁唔好整cookie同蛋糕比我食喎.....

    回覆刪除

  22. Karen 你個古惑仔丫 影子 噢!咁到12月就到我生日 1月就新曆新年 2月就舊曆新年 3月我去日本 4月復活節喎! 5月先整得囉!哇哈哈哈哈哈 Cindy 你copy張天氣圖比我睇都無用架 天文台既天氣圖日日唔同 不過…可以肯定菇奶奶一日仲係放假我都唔會整 秋香一日未返香港我都唔會整

    回覆刪除

  23. 咁我忍唔忍手好呢?大家想個風速戰速決呀?還是想慢慢黎呢?想速戰速決,我就整多兩個,再叫埋蔡師奶呀﹗各路人馬出手,包保一日即上八號,然後一天都光晒。可以去賞月,都幾正架﹗

    回覆刪除

  24. Angel 你呢個提意有益有建設性 不過…我身為家嫂要睇菇奶奶既意願 否則…佢遂我出家門咪弊?

    回覆刪除

  25. 我身在千里之外...我整應該唔怕呱...

    回覆刪除

  26. 風繼續吹,不會遠離........

    回覆刪除
  27. 你個"風"真係好邪...好邪!! 但你係整就整個8號出來等我唔使返工時, 你又可以食罐頭嘛! 1號風要我留係屋企睇吾湯吾水!

    回覆刪除

  28. 家嫂, angel: good idea 喎. 家陣真係唔湯唔水, angel 真係夠爽快. 咁各路人馬真係要開行個爐, 有理無理乜風都戚下佢. 聽晚撥開雲霧見明月.  但會唔會勁過頭, 吹埋個月走........

    回覆刪除

  29. 圓美人 : 除o左彈蛋糕, 我都好like你整既戚風蛋糕嫁~ 你整呀 整呀 整呀 整呀 p.s 我想 : 每月返工的日子放一日假呀 唔該圓美人

    回覆刪除

  30. 我打蛋白唔知,可以分享一下嗎? 不知大約要打幾耐.

    回覆刪除

  31. 我打蛋白唔得,未掌握,可以分享一下嗎? 不知大約要打幾耐.

    回覆刪除

  32. 大少奶, 中秋節快樂呀!

    回覆刪除

歡迎大家留言,但會先檢閱先會顯示,謝謝
此舉避免無聊九唔搭八人滋擾