2008年3月5日 星期三
一點安慰
琴晚同Kathy傾接近4個鐘電話，講番好多以前工作既片段
佢又講下公司既轉變，不知不覺就4個鐘
每年春夏都會約埋一齊配新款太陽眼鏡，年年都一樣會揀Gucci無變過
要去完旅行先得閒約佢哋shopping
寫低晌blog提醒自已唔好忽略朋友啊
早幾晚整蠔仔粥，本想介紹一斤蠔仔可整兩味潮洲菜式
可惜我煎蠔餅時心急，反轉煎既時候失手了，個蠔餅爛咗
噢！
咁耐以來呢個蠔餅係最滿意既，總算搵到安慰
蠔餅食譜：2人份量
蠔仔 半斤至一斤
薯粉 2湯匙
蛋 一隻
鹽、胡椒粉少許
蔥、芫茜適量
水 2湯匙
粟粉用作洗蠔
做法：
1.蠔仔用粟粉撈勻洗淨，重複直至乾淨，再拖水(唔需要灼熟，此步驟以防萬一蠔仔煎唔熟怕肚痾)拖水後用篩隔去水份
2.蔥、芫茜洗淨切粒備用
3.薯粉加1/4杯水攪勻加入蛋、蔥、芫茜、鹽、胡椒粉、蠔仔攪勻
4.以半煎炸形式煎至兩面金黃
木薯粉 = Tapioca starch
晌超級市場有 理想牌 "生粉"，要認住Tapioca starch就唔怕買錯
訂閱：
張貼留言 (Atom)
回覆刪除我第一!
回覆刪除圓圓兄弟，
有一點安慰就夠了！ 人生不需要追求太多！
一點一點就可以成大海! 唔知你明唔明我講咩! 呵呵!
秋香兄弟上
[版主回覆03/05/2008 11:53:00]秋香兄弟
有時我覺得自已對任何人同事都會高要求
好多時都反而令自已辛苦，我都想學識放鬆呢
圓圓兄弟
回覆刪除呢味我都好鍾意食~一定要跟你食譜整0黎食之得！
[版主回覆03/05/2008 11:52:00]你試丫，其實最難係洗蠔仔之嘛
回覆刪除敗喇.....等陣間, 去食lunch, 係邊度搵到哩味餸嚟食呢??!!!
[版主回覆03/05/2008 11:52:00]你去打冷就會有啊
回覆刪除正呀！但唔食得！自家煎蠔餅健康有益d！因為出面會用去多油去煎炸佢！
[版主回覆03/05/2008 12:05:00]係呀！自已整只要比平時煎野多小小油，點都好過出面油炸
oh~ You are so great! Thank you~
回覆刪除前日話陳生鐘意食, 你就連個食譜都post埋出來! 好感動啊~
我.....一定會整啊! 用來做pizza料好型啊!
aaaaaa aaaaa aaaaaaaaaaaaa aaaaa
[版主回覆03/05/2008 12:04:00]Oh ~~~ You're welcome .........babe~
你做pizza的話用魚露做醬汁啊
我上次去你屋企放低左一小樽魚露，你可以用黎點啊
呢個要香脆就要比平時煎野多小小油
Ah ho ah ho ah ho
回覆刪除ar...我想問下, d蠔拖完水, 使唔使用kitchen paper 吸一吸佢呢?
[版主回覆03/05/2008 12:11:00]
d蠔用個篩隔水會好d
因為你用kitchen paper 吸好易會大力得滯整爛蠔仔
佢地好脆弱啊
回覆刪除蠔餅好味呀..不過好熱氣啦...呢碟蠔餅你煎得好靚仔呀..金黃色好正呀
[版主回覆03/05/2008 12:32:00]蠔餅無薯片咁熱氣啊，哈哈
回覆刪除朋友就當然唔可以忽略啦! 友誼對對我黎講都真係好重要....!! 我記得呢 去食潮州野個時有個菜係同蠔餅差唔多樣, 但係有d好似花生既野加埋落去..口感唔錯架! =) 大小奶呀..我都真係好為食下..成日一路溫書一路食...就唔覺意肥左好多啦! 問題係...我仲未有人要架!!!－＿＿＿＿－
[版主回覆03/05/2008 12:32:00]朋友的確好重要啊
一路溫書一路食係減壓呢
回覆刪除蠔餅好油膩......我依家唔敢食啊
不過你煎得好靚呢
[版主回覆03/05/2008 12:29:00]你而家要乖乖忍口啊！錫晒你
回覆刪除靚圓圓
其實你個豆沙餅d豆沙要點整?
駛唔駛出水? 汞水?
仲有, d紅豆要大粒定細粒好d?
[版主回覆03/05/2008 12:31:00]靚蝦仔
芝麻糊最重個米漿，你記得唔好落粟粉打獻
如果用芝麻粉，就唔需要預先炒過佢
回覆刪除金黃香脆 ,好似上海蔥油餅
[版主回覆03/05/2008 12:49:00]哈哈！你既稱號都好似上海菜呢 (講笑)
睇到都覺得好食啊
回覆刪除一陣出去睇下有無蠔仔買先，我都好想試下整俾我HONEY 試下啊~
睇"大少奶"既BLOG真好，每當我唔知晚餐煮咩既時候，睇你既BLOG，便會有IDEA 了
[版主回覆03/05/2008 14:26:00]噢！我唔係晚晚老飯呢
回覆刪除我好鍾意食蠔餅，不過呢種蠔餅係咪同台灣果d唔太一樣？
[版主回覆03/05/2008 14:26:00]呢款係潮式
回覆刪除好野有蠔餅!!雖然我無得食但睇到已經好開心
回覆刪除好正呀！我係潮洲人,但係我從未整過蠔餅,好多謝分享,我遲Ｄ會試整,但係..我响温哥華未見過有細細粒嘅蠔買呢!
[版主回覆03/05/2008 14:26:00]舅母話以前晌加拿大買大隻既生蠔再切細佢
但始終蠔仔較重蠔味
回覆刪除我都係到揀緊太陽眼鏡啊~Gucci都係#1 choice呢~Yeah~ 我好怕油...菜同麵我都唔落油o架
[版主回覆03/05/2008 14:25:00]整蛋糕都需要油、忌廉都好油架
回覆刪除係呀！响外国真係無香港那麼方便呢！我返香港時時去創發食這味餸！好正！佢哋用鴨蛋煎,話香口Ｄ！
回覆刪除圓呀圓 :
你呢個蠔餅整得好似我同亞仔上星期去食煲仔飯果樹果d咁啊 ~
如果我可以好似你整成貢, 佢一定愛屎我啦 ~~~~~
不過現階段既我都係只可以同佢去鋪頭到食咋
回覆刪除圓呀圓 :
差d唔記得同你請安tim
午安啊 ~
G呀G
回覆刪除多謝分享呀.... 猩猩王都好鐘意食蠔餅架, 等我搵日試下整比佢食先... Thanks!
[版主回覆03/05/2008 17:04:00]你整比佢食啦！會好開心架
回覆刪除家嫂:
蠔餅我好鍾意, 我們這一家呀!
你有食譜教大家就正, 可以響屋企整.
外邊已無乜邊間好食.勁油勁油.
乜解救我到家陣仲未響屋企整呢..........就係.......我鍾意食但覺得送唔到飯,
適宜啤啤佢多d. 哇哈哈哈~~~~ 咁下次我整完啤酒pizza可以煎埋蠔餅送酒, 一啤兩味呀.
[版主回覆03/05/2008 17:01:00]菇奶奶
再一次証明改壞名，你越來越入型入格似奶奶
遲d你就會食滷水鴨掌送酒、再遲d你直頭飲玉冰燒
你要約埋飛E飲呀！佢又係棟高腳飲燒酒，仲飲埋工業用酒精添呀
一於去冬菇屋企攪潮洲宴
回覆刪除親愛的圓圓偶像:
我試過在出面食蠔仔餅......踩中地雷........有沙有石兼腥腥....... !!
蠔仔係咪鐘點姐姐幫你買kar?
流緊口水的Fan CC 上
[版主回覆03/05/2008 17:04:00]CC
哈哈哈！無錯！係鐘點姐姐幫我買架
我好耐無食過街外蠔仔喇
圓圓
回覆刪除係家 , 上海毛豆 , 雪菜毛豆 , 鹽水毛豆 , 毛豆炒蟹 , 毛豆百頁 ............毛豆炒肉丁........
[版主回覆03/05/2008 16:52:00]哈哈哈！好名呀！仲有毛豆炒年糕
回覆刪除但遲下妳到左日本 , 就要叫枝豆了 .......
[版主回覆03/05/2008 16:52:00]可以叫紅豆啊
大少奶
回覆刪除唔好意思啊~我第1次試整蠔仔餅, 有d問題
請問d蠔仔係唔係要用生粉洗到無晒d"潺"既感覺先為之乾淨架?
[版主回覆03/05/2008 16:39:00]其實你用粟粉洗3次，初初第一次好似洗出大量污水
到第三次水就會變清，可以拖水
蠔仔始終都會有水出，拖一拖水就可以
記得見到蠔殼就要揀出
回覆刪除thank you 我明白晒了，希望煮到你既準啦
我都係“潮州心抱仔”啊！不過都未曾煮過一款潮州餸
今晚等我比D心機整先~~
[版主回覆03/05/2008 17:07:00]努力呀！
回覆刪除家姐..
蠔餅,, 超愛啊!!!
你明知人地無蠔仔,, 係咁出呢D食物引我~~
我出年生日要食蠔餅instead of birthday cake! may I?
妹妹上
[版主回覆03/05/2008 17:15:00]妹妹
我就係想你快快返來香港
你真係要食蠔餅instead of birthday cake？你講得出就整比你食
愛你的家姐上
回覆刪除日文既毛豆叫枝豆呀.......(讀e da ma me)
[版主回覆03/05/2008 17:16:00]我頭先都諗過毛豆同枝豆會唔會係同一樣野呢
回覆刪除好吸引啊~
柯仔煎係我家鄉獨有美食~所以細細個都成日有得食
[版主回覆03/05/2008 17:47:00]你好有口福啊
回覆刪除4 ... 個 ... 鐘... 你事後有冇 check 過個電話有冇水浸啊 ...
靜靜雞話你知，我同笨 B 爸爸拍拖時都冇傾過咁長時間的電話啊！哈哈！我實在是「太快收線型」了
回覆刪除大少奶 ~~
蠔餅我超愛阿 你整得非常靓
見到令我唸起媽媽整既蠔餅呢 好想食阿
你個圓圓蠔餅又幾好樣wor, 係咪你用d草"姐"住d 裂痕呀
回覆刪除好耐冇試過煲咁耐粥lu... touch wood 通常有事先會咁長氣law
回覆刪除知己難求，難得難得
呢款餅，連超市都無得買架 ，仲係你自己整添，真係獨一無二呀
回覆刪除都好靚丫，應該好好味
回覆刪除直情係啦 ,本是同根生.......
回覆刪除我一定要試整丫
多謝您的食譜 ^^
回覆刪除親愛的圓圓偶像:
差d唔記得問, 4個鐘後..........大少爺有無悶到......頭頂都生晒蜘蛛網?
他會點樣打發4 hours..... ....浸spa? 做mask? nap nap? 情深款款望住你? 數手指? Watch TV ? 偷聽你講電話? 睇報紙? 偷食蛋糕????????
8卦的Fan CC 上
回覆刪除超想食呀!!!見到你果個蠔餅既脆脆邊!!又唸到咬落去果種少少煙un既感覺!!仲有蠔仔既鮮味~~~好~~~想~~~~食呀!!!可惜我呢度唔知邊度有得食~~
回覆刪除多謝你重温食譜~~睇黎都係時候要整吓俾劉生食至得啦~~
回覆刪除我用鴨舌蛋整會香酥一啲架！
回覆刪除嘩~正呀~多謝大少奶食譜,等我都試下先
回覆刪除正
回覆刪除i luv this recipe...will try sometime at home..thx ah!
回覆刪除x 99/100
回覆刪除好正,一定要試整,多謝示範
回覆刪除大少奶妳有冇打算開間私房菜,整0野食整得噤鬼正!
回覆刪除整得好有水準呀 , 未食到 , 見到都覺得好脆 , 等我都一于試吓整 .
回覆刪除睇落好似潮州菜館的蠔仔餅喎, 講真蠔仔真係好好食O架, 不過就覺得清洗時好麻煩...雖然係咁但真係好正.
回覆刪除it looks very delicious! can u tell me where to buy oyster? from mushroom
回覆刪除潮式蠔餅.... ........... ................