2008年12月31日 星期三

Happy New year to all of You~





大除夕喇!

2008年好感恩,過得好特別

眨下眼又一年

今年最驚喜係出書,仲要成績幾好,有得加印第二版、仲即刻簽約寫多本

同"我們這一家"關係更close、更了解,更似一家人

整多咗蛋糕,但唔算太大進步

依舊年尾回望返就發覺買咗好多嘢,係好多

但2008年只去得一次旅行,2009年大少爺應該會可以放更多假期,補償番比我

2009年我希望大少爺身體健康、快快樂樂!

希望自己都身體健康、快樂過每一日

2009年我希望會更好


xnewyear11.gif
 Happy new year to all of you~

2008年12月30日 星期二

即係咁........呢


我開始寫第二本書食譜部份
咁呢........如果晌blog度....你哋問我食譜我唔答既話
可能係呢.......第二本書內有既

所以我會有口難言、唔知點答、唔知點講、甚至唔知乜乜物物

暫時,我有d食譜係唔會寫
如果寫得都一定寫

無奶油晌blog到有食譜,晌新書又有
咁就唔係幾好呢

請見諒啊~~~~~你哋大方得體、溫柔爾雅、賢良淑德、高纖有益

一定會明白我呢!

呢個係紅酒蔬菜汁意粉
因為我聖誕時整定一大盤汁,一來要點隻聖誕雞
二來我想留番佢,有時整意粉用,做意粉醬呢
呢個汁實左太好味

而且...食譜講得架




就係呢個,呢度小部份,我double份量做成意粉醬




紅蘿蔔 1條 (切碎)
西芹   2條(切碎)
洋蔥   半個切粒(切碎)
蒜頭   1小粒切成蓉
茄膏   半罐
雞湯   半杯
0急汁  2茶匙
糖     適量
紅酒   半湯匙
bay leave 1小片切碎

將蔬菜粒加入碎bay leave爆香,茄膏炒勻、慢慢邊攪邊落雞湯
先加0急汁、加入糖試味 (每人喜愛甜度唔同,自已試吧)
加入紅酒,較大火令酒精及酸性揮發,轉細火煮半個鐘,令所有蔬菜半溶狀態

*紅酒可以增多,但視符口味
*如果太杰,可以加少少雞湯,做成自己鍾意濃杰度
*香草要開始煮時爆香先會散發更香既香味

同場加映..................翻版燒雞

聖誕燒雞實在太好味,我用雞腿再做一次

好味啊!哼~~~~~~~




2008年12月26日 星期五

聖誕娛樂


先講下平安夜同聖誕節先

平安夜食完聖誕餐後,留晌屋企,因為條街實在太多人
但我過得好開心
因為....................

臨近聖誕節既凌晨,我偷偷地用保鮮袋入住張聖誕咭放入雪櫃 (當眼處)
然後…
踏正0000hrs同大少爺講:【聖誕快樂!你幫我晌雪櫃拎兩粒士多啤梨比我食丫!唔該】點知佢入到廚房無晒動靜,之後若無其事比兩粒士多啤梨我
我都唔知點算,就話:唔係呢2粒呀!唔係咁架!佢話:唔係呢兩粒?呢兩粒整蛋糕架?跟住就再開雪櫃搵一輪先見到張聖誕咭

但張咭明明係一開雪櫃就見到,佢居然咁大張咭都睇唔到

之後我就不停放野入雪櫃,例如.....收音機、計數機同埋.........大少爺張身份證

每次放家物件入雪櫃都要即時跑入房(怕雪壞物件)

再不停話要飲水、食士多啤梨、甚至叫佢幫我開雪櫃睇下有幾多隻蛋

佢每次一開雪櫃都..既驚且喜,見到自己張身份證時,無語問蒼天個表情超好笑




到聖誕正日,我去朋友屋企BBQ

我就負責整甜品,整馬Meringue passion fruit tart

其實係檸檬撻既變味版,因為我鍾意食熱情果多d

第一次燒meringue,初初好驚會溶晒,好彩今次成功,而且好好味

用聖安度唧咀唧,難得今次20個都唧得咁好

燒完meringue雪番凍種感覺好似燒棉花糖啊!大少爺非常地鍾意啊

呢3個留比今晚上我屋企食飯既親友




仍然要繼續忙

2008年12月24日 星期三

Merry Christmas (附聖誕晚餐)


Merry Christmas~~~~~

呢個音樂盒係某一年大少爺放工買比我既聖誕禮物
佢識著燈、有音樂、會郁、火車會行既音樂盒
但呢兩年佢已經唔識再郁喇!
我依然好鐘意呢份禮物

仍然記得當時佢放工我晌門口迎接佢時見到一大個盒既情景呢




今日我全日就晌廚房不停整、不停整就係為今晚既晚餐啊
但其實未係最豐富,但絕對花心機同時間呢
今次無分碟,全部一碟上,感覺一齊share會warm d

好滿足感既聖誕晚餐,哼~

頭盤:Bruschetta配多士、咖哩雜菜角

因為忙無去買法包做蒜蓉包,唯有用多士啦




湯:南瓜湯




主菜:迷迭香牛油雜菜烤雞 伴紅酒蕃茄醬香草選用:rosemary、thyme  (我用乾香草)rosemary份量少少就夠、再加小小thyme

早一晚將chop碎香草、Himalayan Pink Salt 、黑胡椒內外搽勻隻雞

焗前再用牛油煮碎香草、鹽、胡椒,搽上隻雞多一次

乾香草要先煮一煮先會發揮最香既香味,就咁灑上面係唔夠香

將雜菜放雞底去焗,我用焗盤焗,焗完個錫紙都黑晒呢,要轉碟先見得人




紅酒蕃茄醬:西芹、紅蘿蔔、洋蔥切粒,香草用 bay leave

隻雞內填滿洋蔥、紅蘿蔔、西芹

隻雞好滑,係晌City's super買既小春雞,但都唔細隻啊!買既時候已經無雞頭




配菜:芝士忌廉焗薯片

本世紀最邪惡既配菜,但味道實在太好,薯仔食落味道直頭係芝士火鍋既味道咁




甜品:creme brulee




仲有我最愛既:BELLINI
對杯係我最愛啊!買2支送對杯,對杯印有bellini
我飲bellini先會用呢
酒係粉紅色、裡面有果肉既呢




好想去海運大廈影燈飾,但實在太多人

唯有晌屋企整定聽日同朋友聖誕party既party food啦

祝各位:聖誕快樂!




聖誕餐前





Yeah!!!!!!!!!!!!起身後天氣都和暖喇

全日會為我同大少爺聖誕餐努力!

今晚有聖誕餐post!好緊張呢

今晚見~~~~~~`

2008年12月23日 星期二

聖誕前夕


近日被【渴望聖誕節心散症】好嚴重

琴日放棄同GG、呀妹去tea,原本諗住寫稿寫得幾多得幾多
點知都係心散

平安夜我會整聖誕餐同大少爺食
由於係新嘗試既食物,令我非常緊張、渴望
聖誕餐......聽日應該會整足一日

聖誕節就同一班朋友慶祝
我會整小食同小甜品
又係新嘗試
攪到我...........心如聖誕鹿撞,好緊張啊

個小食琴日包好放冰格
係咖哩雜菜角
原來想整菠菜芝士角,但多數人都鍾意食咖哩
又轉成咖哩角
包好要放冰格定型,咁炸時就唔怕散開,又可以整定

呢幾隻係包得唔好(我反轉晒見唔到爆口)
我用焗爐焗佢
整呢個最重要材料夠碎,否則好易爆開呢




我既好幫手,平常用既Olive oil、各類香草、繼姐送比我既黑椒chopper

Himalayan Pink Salt 聽日西餐大派用場

法國海鹽都因為佢而被我捨棄

我鍾意講究地用材料




今晚要出去買聖誕禮物啊~~~~~~

2008年12月22日 星期一

變種萬歲


 呢輪勁忙,我要準備聖誕節既食物、禮物

仲要寫稿

上星期五趁得閒煮晚餐,係變種咕嚕肉

變種係將豬肉換成墨魚膠釀豆腐卜、再加咕嚕肉個汁

好耐之前整過,當時係用蝦膠整既

今次係用墨魚膠

今次比上一次好味,墨魚膠好彈牙

好想食咕嚕肉,但唔想炸肉、唔想食咕嚕肉就用呢個方法

墨魚膠釀豆腐卜只需要焗,焗完好香脆,同咕嚕肉一樣咁好味啊

哼~~~~




今次較好,因為用唧咀唧墨魚膠入豆腐卜內,每粒都好飽滿

焗好後好香脆,完全唔需要用油就已經好香脆呢




I'm loving it~~~~

2008年12月18日 星期四

呢本好啊!


Yeah!!!!!!!我又玩生日禮物
呢個焦糖無花果蛋糕我又用我其中一份生日禮物殖膠模整既
係咪好似一條麵包呢?

今次個食譜係用Rachel 既食譜整架!

我唔太鍾意睇食譜書
只鍾意睇Annie Leong、黃雙如既書
而電視又只鍾意睇呀蘇

甜品蛋糕書都係我朋友送比我
真正買…就係Rachel呢本"為你做甜品"




其實呢...我初初聽話Rachel出甜品書都無太大反應
直至上vanlily屋企揭下揭下,覺得都幾吸引
一來本書好簡潔、又好白色
二來食譜部份寫得好簡約,但又睇得明
適合有甜品基礎,但又唔算叻既我
書裡面既甜品你會有信心handle得到
精美得來又唔會好複雜

我有好多目標甜品要整呢

Rachel仲好nice架!




我一旦鍾意上一本食譜,就會不斷整

相信我會不斷跟呢本書去做呢

2008年12月17日 星期三

火速燒熱


收到好多生日禮物!加上自己本身既朋友
我收到23份既禮物,但仍然仲有得收
因為有好多飯局未食、仲有姑仔、表弟 & gf都未慶祝

禮物分兩種模式
自己朋友就送化妝品、香水、skincare、擺設
但blog內朋友就有相機書、相機用具、烘焙用只品、CD、餐具
我已經急不及待去玩我既禮物

今次玩既係......小冬送我既 creme brulee set
噢!對杯係紅色啊
你睇下佢幾靚!隻色同le creuset既相近

最重要支火槍勁安全
安全程度好高
你要先開安全掣先可以用,咁就避免走火

以後我就可以整creme brulee、燒Meringue、燒帶子剌身、整火灸拖羅
燒桿、燒野食、燒乜乜物物都可以喇
哼~~~~~`







原來小冬係晌以下條link訂購架!

http://hk.myblog.yahoo.com/super_lady@ymail.com




2008年12月16日 星期二

生日慶祝@ Disneyland


首先多謝各位祝福!
唔好意思!我要聽日先覆留言
仲有各好友既sms我無時間覆啊
因為實在太多!我好多謝你哋呢

慶祝生日好開心,我係超級米奇fans,大少爺都受我感染
去迪士尼慶祝啊!由11am入到去,8pm睇完煙花
都仍然未玩晒

我第二次晌香港迪士尼慶祝生日
可以睇番3年前又閃光燈又out focus既相↓

http://hk.myblog.yahoo.com/Delicatessen-ivanbee/gallery?fid=20


今次去覺得各樣都進步不少
2005年開幕,3個月內我去3次,每次都不停排隊同排隊,每次成個鐘
今次只係最多排15分鐘,真係差得遠




今日不停有人同我講:生日快樂




我影相唔太鍾意影到人,尤其唔識既人

所以捕捉無人既一刻先影




I'm coming~~~





我每次睇Golden mickey都好開心又好鍾意




今次多咗小小世界




好得意啊!我同大少爺都勁鍾意呢個,但當然大少爺鍾意東京果個多d




雪亮聖誕歌舞劇,比我影到3 pair錫錫,So sweet




花車巡遊




噢!Minnie好靚啊!每逢見到minnie我都狂影佢




我本身想去小鎮大街間餐廳,但當時實在太多人,見火箭餐廳無乜人就入去食

比三年前好味得多!更加比麥當當同KFC好味,驚喜之一




每次到探險世界都只會坐船仔,今次連獅子王慶典都唔睇




夜晚走返去明日世界再影相,明日世界所有game都玩齊

但今次坐space mountain居然覺得驚啊!越來越細膽




聖誕樹啊啊啊啊啊!其實無乜特別




入場時派立體眼鏡,夜晚加上眼鏡後,燈光中會有雪人啊

我加落鏡頭影既




好靚既城堡啊




Yeah!!!!!晌無腳架既情況下影煙光,我絕對滿意

影左好多啊




影400幾張相,仲有好多無post

但其中一d好鍾意、影得好靚,搵日再post埋

2008年12月15日 星期一

HaPpy BirtHdAy to Me!!!!!!


HaPpy  BirtHdAy to Me!!!!!!

生日願望:唔講得!據聞講完唔會實現啊




今年送比自己既生日蛋糕
white Chocolate w/ raspberry mousse cake
好滿意呢!!!!!

做deco時原本係用meringue既,再用火槍燒,但唔知點解會溶
後尾把心一橫將抹走,膽粗粗唧cream去掩蓋原本meringue既位置
一額汗呢

2008年12月12日 星期五

味道生活


今日要開始寫 第二本書既outline

噢!希望我唔好心散寫得出啦

時光倒流..................6日前
話說上星期六 12.6,我約kathy、Fiona去shopping
但因為約成4pm,就趁得閒出去sweetie烘焙店買材料
點知....落左街10分鐘收到vanlily電話
佢又係約朋友4pm後,就係咁我就同佢一齊食lunch同行一陣

當日一落街就去買 【味道生活】,裡面介紹我本書同個blog




裡面內容我好鍾意,因為作者唔係就咁介紹

佢真係用心地睇過我blog同本書,再寫出我既個性

仲連我們這一家既呀妹、菇奶奶佢都知道

而且寫番我既趣事,令我睇完感覺好開心

仲capture blog內相片,睇上呀茄 (karen)上雜誌啊




仲有陳生、陳太添




之後我就約小冬去 Time square千兩

當時無諗過會約小冬食lunch,就撞彩邊間唔多人就入邊間,出奇地千兩唔駛等位

由於無預備過,只帶DC出街,而家睇用dc既相,就會覺得差好遠

明明以前覺得自己部dc好得不能再好架嘛




千兩,我鍾意去ifc果間多d,不過CWB都算好OK呢




食完我地又食雪糕,小冬果杯係新出榛子乜乜脆物物雪糕,好味啊