2009年10月28日 星期三

賞賜你條"咦"


近日我迷上太皇太后啊!佢對眼既眼神好型
然後我又學佢既語氣同眼神
上星期去呀妹屋企,我不停學太皇太后對眼去望佢地

同呀吱講電話就話要賜呀烏吱死罪

甚至同呀茄講:茄妃,賜你陪我遊園

又同大少爺講:好!賜你一罐可樂!

又成日用太皇太后眼望大少爺,睇電視睇到上身

噢!條三文魚好似食極都食唔完
遲下又有表弟先生從加拿大買比我既煙三文魚
今日午餐自己煮,因為我要寫稿,仲要寫好多好多稿啊

當然又要omega 3去幫我補補啦
今次見到條"咦"喇!係照燒三文魚
用魚尾部份去整既呢
用焗爐個燒烤功能去燒,好快就燒好

而且呢個做法好味啊!哼~~~~~





隔一段時間就掃上日式照燒汁





今日居然食飯,加上日式飯素




今晚晚餐食 sukiyaki,買sukiyaki汁自己整啊!唔知效果如何呢?

沒有留言:

張貼留言

歡迎大家留言,但會先檢閱先會顯示,謝謝
此舉避免無聊九唔搭八人滋擾