2010年7月16日 星期五

餐桌上的幸福滋味…出版前


到而家我都未知今日自己可唔可以拎到新書

亦唔知道...書局晌星期六、日有無得賣

但我仍然想講下自己感想

首先…

感謝主既恩賜

多謝葛老師,一個大作家都肯比機會我呢d small potato

有時交稿都會怕你噴鼻氣(哈~唔知老師明唔明我講乜)

多謝麥生、總編輯、編輯小姐,每次都對我有十足信心同包容

仲有表弟先生,你真係好好
我會直接多謝舅父、舅母,但唔會無條件整心太軟比你食

仲有我4個美女助手,多謝你4個既幫忙,love u

仲有仲有…所有鼓勵過我既朋友,晌我人生低谷時既鼓勵

【家】呢個題材,寫既時候要將我一d一直唔想提既往事同內心感受寫出

初初會諗:會唔會晌我傷口上灑鹽?

尤其係變單親家庭既前一晚發生過既事寫出,會唔會令我難受?

呢件事好深刻,每次諗番眼都會不其然流出淚水

但當完成晒本書去校對時,我發現自己已經放下

反而覺得有趣,已經化成一場經歷,甚至係人生某一個經歷

唔再執著、唔再捉緊悲傷情緒

人生有好長路要走,唔能夠永遠都徘徊晌一件經歷裡面

今時今日無人會知道我內心條傷痕,就只會覺得我係一個好開心好開朗既人

證明一件經歷唔代表整個人生

睇到葛老師文章,佢生於一個物質不算太豐盛的年代
但就因為每樣事都來得珍貴
更懂得珍惜
而每一件事甚至每一樣食物都來得滋味

今次對我來講係突破,一本書完全兩樣的作者,兩樣既風格、兩樣既生長年代

希望會帶比大家新鮮感

至少我會好期待呢本書,呢本書會將我帶到另一層面




Fans page仲有新blog. Click here--->







新facebook acct開始建立,慢慢upload上Fb、講飲、講食、講戰利品、講新書
仲會講祕密
有興趣就add me吧:
ab_chan@ymail.com




沒有留言:

張貼留言

歡迎大家留言,但會先檢閱先會顯示,謝謝
此舉避免無聊九唔搭八人滋擾