重溫

今日落大雨，我無乜mood出街

而家仍未諗到食乜野lunch啊

唯有炒冷飯摷番張相寫blog

睇下張相連餐墊都無就知本身無諗過寫佢啦啦啦

有一日，我要好快手整幾味做晚餐比大約8個朋友

天氣好熱當然好想其中一個做個凍盤

但當時已經5pm，7pm開飯，做冷盤都係搏一搏

仲要係有4款材料既冷盤

又要切絲，都幾奧運精神

幸好！比我搏得到，個冷盤成功

只爭一點…邊點？

就係唔夠凍啊

其實都幾趕

青瓜去皮切絲、紅蘿蔔又要去皮切絲、粉皮要過冷河

雞胸肉要用紹酒、鹽、胡椒粉去醃，醃完就蒸

蒸完要手撕

仲要做個汁，個汁好隨意、用生抽、魚露(有就落，無就skip)、白醋、糖撈勻試味

味道要比較濃少少，因為青瓜一出水會沖淡味道

最後加個好重要既芝麻醬

就done

細心睇，我寫整既過程已經將成個食譜寫出

而我…就好似重溫當時片段，哈哈

哼~

Fans page仲有新blog. Click here--->

新facebook acct開始建立，慢慢upload上Fb、講飲、講食、講戰利品、講新書
仲會講祕密
有興趣就add me吧： ab_chan@ymail.com