話說我好少…應該得兩次整過芋頭
唔知點解喎！其實我都ok like既
以前我有個同事，佢好純好純，佢由細到大比家人叫佢"芋頭"
而我對芋頭既感覺，就係…我愛粉粉淋淋既芋頭
淋到似芋泥咁
挑起條筋自己炆，因為秋天要芋頭、番薯呢類感覺暖暖既食物
所以我就試下炆啦啦啦啦啦
我用雞肉波(雞肉丸)去炆，我唔食油鴨、唔愛排骨、唔想有雞皮
於是就整雞波去炆
炆到個汁綿綿，芋頭同個汁.....纏綿遊戲過後，為何能捨很放手~~~~~~咁纏綿
I'm loving it~
如果...唔想芋頭纏綿遊戲就先炸佢，再炆
如果....用刀切下芋頭時，芋頭啜住把刀，即代表個芋頭好粉，不過…買得返屋企唔粉都無法子，無奶油帶把菜刀有殺無賠去切人既芋頭測試架嘛
如果…椰汁太早落，會出現分離情況，椰漿變到有層水咁，熄火落最香最穩陣
呢個椰汁芋頭炆雞波好易
先做雞波，用雞肉放攪拌機攪爛，再用雞粉、糖、胡椒粉、半隻蛋白、生粉撈下佢，攪到起膠醃佢一粒鐘
然後略煎下佢，備用(唔需要全熟)
芋頭切件，加薑蔥、乾蔥頭爆香，加入一湯匙磨豉醬、加入兩茶匙糖、少少生抽、加水至蓋過芋頭面，放埋雞波入去
炆15~30分鐘試一試味，唔夠鹹加鹽太鹽加少少糖，最後熄火後落椰汁兜勻
寫完，漏了一粒字…就係.........................哼~
P.s面層椰汁我為影相先加少少，效果會出d，自己食唔使多此一舉呢
回覆刪除我係第一個留言!! Yeah!!
我覺得芋頭好似好難整啊！
但妳呢個椰汁芋頭炆雞波又好似幾easy呢！
[版主回覆10/15/2011 13:27:49]唔難架！最難切之嘛！同埋佢太易淋喇！反而唔需要炆太耐！你可以買隻雞切件去炆，但我怕雞皮油呢
回覆刪除one ^^
[Maplecats回覆10/15/2011 13:46:46]我打完個one字後, 按回覆yblog就hang咗啦, 我仲以為出唔到呀, 究竟yblog想點呢??
[版主回覆10/15/2011 13:30:30]tw0~
回覆刪除題外話, 覺唔覺得y-blog自從升呢後d寫blog時間同留言時間怪怪地？我明明係中午1:28留言, 但confirm後變了06:25 am啊???
[FongC9回覆10/16/2011 09:36:56]果個仲攪笑，明明係美東岸，無啦啦改咗我去非洲！好彩見唔對路改返啫～
[雀后回覆10/15/2011 14:01:54]係我哋個時間本來由北京香港，轉咗去澳洲時間!千祈唔好改番香港，實會錯o架!
[Shan回覆10/15/2011 13:37:05]eeeeeeee~~咁可能係我個設定有問題啊！去超超先~~Thanks~~~
[版主回覆10/15/2011 13:31:54]其實呢…y-blog自從升呢乜都怪怪地，明明有個功能會晌我FB發佈，但Teasting就得，真正寫post就唔得！不過你留言時間係顯示01:25 pm呢
回覆刪除我次次都要自己click入FB再post多次上去o架!
[雀后回覆10/18/2011 14:44:14]如果住係香港，就要轉番去~中文, GMT +08:00 澳洲 (WT)嘅時間，咁就得啦!
[Happy Everyday回覆10/18/2011 14:25:30]搭訕：我都發覺自己睇既時間同人地睇見既時間差左8小時，問左yahoo，一個星期都未覆！想請教點樣改番正確時間？tks
回覆刪除哼!!!!!!!~YUMMY YUMMY!!! XD
回覆刪除終於尋回你 , 多謝支持 Curious n Biscuit 多年 , 所以做阿娘要主動關注你 !
回覆刪除我好想食芋頭呀,但食完會周身痕,被迫戒,woo......................
回覆刪除芋頭簡直係我至愛, 不過食得多又胃痛喎@@