2012年2月29日 星期三

酒鴨 (附紅酒紅梅汁鴨胸食譜)


hi~我本來今日出街,但最終除消

於是澎澎聲諗晌屋企玩乜

我有時好享受晌屋企

尤其係當我下星期排到密麻麻既時候

今日我整…法式鴨胸配紅酒raspberry汁

感覺無好似去左法國,無囉!哈哈

仲配日式薯仔沙律

晌短短時間肉晌屋企摷到野煮,仲要煮得都幾"哼"

咁無奶油唔.............哼~

今次個紅酒汁好得,酸酸甜甜,果個Vanlily實Like架

呢個可以做主菜,鴨胸唔好買煙既,要買無醃既

我晌City's super買既

我仍為個午餐...飄飄然中~不斷轉圈中




你睇!無油去煎,煎到標晒油出來,就可以個皮無咁肥

無錯!Fissler鑊,Yeah!唔黏、易洗、靚仔



食譜:

鴨胸   1~2件

鹽、胡椒粉  適量

紅酒汁:

紅酒    4湯匙

果醋    2湯匙

糖 1.5~2湯匙(自己調較喜愛甜度)

raspberry   5~6粒

做法:

鴨胸抹乾淨、表皮界幾下,灑上鹽及胡椒醃15分鐘

然後燒熱鑊,鴨表皮向下,慢火煎10分鐘或金黃色,再反轉煎3~5分鐘或全熟

紅酒+果醋+raspberry+糖、慢火煮熱,直至滾後熄火離鑊,放涼備用

done~



Reenex TRF treatment~


我又攪一大爛餐午餐中,請稍等,我都希望快d食到

話咁快Reenex 四個體驗treatment去到最後一個

um....

我做左

CPS更新活膚療程...................測試皮膚、微微果酸加敷mask,呢個我鍾意,但最怕睇自己皮膚底層,哈

冷凍光學膠原自生療程................吸角質層同埋冷凍食底層膠原自生,呢個我幾鍾意

TRF膠原強效緊緻療程....呢個塊臉會收緊,都明顯架





今次做收緊療程

會有d熱晌你塊臉度碌碌下,先做一邊,你會發現做完一邊會緊緻左

我問美容師,佢話基本上一個月做一次,做3~4次就開始會定型,咁12次後就可以keep較長時間

我不停去問:咁我會唔會突然有日鬆番,變一泡野?

美容師話:係慢慢咁鬆番,但3~4次基本上定到型,12次就可以長時間keep到

然後我不停話:我做完後要先去影証件相片,趁仍緊緻時影定証件相

你知啦:影証件相無得chok樣,覺得相中自己真係好似一個箭靶的,哈





呢四次都係好既體驗,我都幾有興趣去join course呢

click以下link去登記,可以試做CPS一次架

http://www.reenex.com.hk/edm/201202/RESDL0212E/Form.aspx?ref=RBLOG1211E


好肚餓,繼續整lunch先,等陣見~~~~~~~~~~~~~`


2012年2月28日 星期二

糕蔘 (附西洋蔘糕食譜)


細個好鍾意食甜既野,尤其係糖

我鍾意食糖既程度有10級,以前夾糖興起時,係永安百貨公司有個糖果部,每星期爸爸帶我去行街就會買比我食

兩父女都超愛黑加侖子糖

到識左大少爺,佢每日買一款唔同既糖比我食

到而家我仍然鍾意食糖、糖水、甜品

但慢慢我發現,而家食糖比以前少,而且太甜既開始吃不消

例如…我唔能夠食全甜品buffet,食鹹一定多過食甜、唔可以任食雪糕,一定要食d鹹

甚至接受唔單一既甜,例如以下西蔘糕,琴晚我同大少爺覺得佢好好味

甜中有點甘

或者…我看透了…人生無可能有單一既甜,總有些......甘

呢個蔘糕裡面西洋蔘係安大略省西洋參,即係等同花旗蔘,但產地唔同、名稱都唔同

呢個糕好甘甜,但願我人生即使有甘,仍然會甜!

食譜:

西洋蔘 少許,可以自行調較但唔可以多過10g

杞子     2茶匙

水    200ml

冰糖     隨意

魚膠片或魚膠粉   15g

做法:

魚膠片用冰水浸軟、杞子略浸,唔需要太耐的,也可以用熱水沖一沖洗便可以

熱水煲滾放入西洋蔘至出味後、再加冰糖煮溶(煮溶後留意番水份量有無蒸發,如果唔夠200ml,就加少少熱水),放入杞子

最後放浸軟魚膠片,入杯放涼入雪櫃





我西洋蔘係安大略省西洋參協會送既
佢地邀請我去加拿大駐香港總領事館於224日舉 辦的晚宴
晚宴晌大榮華,菜式由韜韜主理同設計

呢隻蔘蜜幾好飲

西洋蔘仲可以煲湯、煮糖水、同埋炒飯架


1) 安大略省西洋參適合一般都市人服用,尤其是血氣方剛的年青人。西洋參有補涼清熱的作用,可以幫助舒緩緊張、消除疲勞及預防暗瘡。
2) 安大略省西洋參於第三至四年收割是最理想的。西洋參種植氣候須有多於90日在0度以下。頭一年,西洋參會長出三塊葉片。之後的一年,西洋參開始長出果實,而在第三年西洋參便算成熟,並長出很多紅色的果實。
3) 當揀選安大略省西洋參時,可以將西洋參的頭部折斷,然後觀察西洋參內部的顏色,色澤較淡的為佳。此外,西洋參根部須健康並無腐爛。另外,西洋參可以存放於雪櫃內5至10年之久。
4) 建議服用份量為每人每星期不多於10克。

當晚餐單,所有所有食材都由加拿大唔同既供應商供應









多謝邀請!

2012年2月27日 星期一

都市閒牛


好想食Tea添

好想食蛋糕

好想出街但好凍

好想去日本

好想好想,乜都想,但凍就令我乜都唔想

今日煮午餐比自己,居然食飯

食蒜片安格斯牛柳粒

你睇d蒜片永遠Overcook,不過個牛牛外脆肉軟,剛剛好

我用新既Fissler鑊試整既!

佢真係唔黏底,呢一年合作期,個鑊一定比我慢慢玩

第一樣整既係我最愛既牛

其實牛肉只要靚就好易整得好

只需要煮既時候加少少鹽、少少胡椒就可以,但鹽唔好用來醃牛,煮既時候先加啊


好想食蛋糕,決定出街搵件蛋糕食先

再先


2012年2月25日 星期六

曚矓 (附蟹餅食譜)


在毛毛夜雨裡 顯得一片慘淡 重讀你的信裡 覺熱情未冷

但今日毛毛雨,熱情未冷身先冷

我覺得好凍,唔空虛唔寂寞都凍啊

好討厭呢d整日濕濕、又凍既日子

聽日轉冷,我諗我同大少爺返完教會去睇戲,唔好去行街啦

今日整蟹餅,用急凍杯裝蟹肉,晌吉之島同City's super都有售

你都可以買新鮮蟹返來拆既,但我試杯裝蟹肉都好ok

呢個蟹餅好味,我跟Annie Leong方法整

但係裡面自己調味,做成芥末籽蟹餅,外面用日本麵包糠會乾脆一點




食譜:

1.蟹肉    500g

2.洋蔥    1/4個切粒粒

3.雞蛋 1隻再另加一隻蛋黃

4.芥末籽醬 1茶匙

5.檸檬汁      幾滴

6.鹽、胡椒粉   適量

7. 忌廉     65g 

8.牛油溶液    2湯匙

9.麵包糠

做法:

蟹肉完全索乾水份

將2+3+4+5+6+7撈埋,加埋蟹肉

圓形細模搽上牛油溶液,然後放上蟹肉壓實做成圓餅型,再放入冰格1個鐘

預熱焗爐180度,預備牛油溶液,滴幾滴檸檬汁攪勻,然後掃上蟹餅,撲上麵包糠,放入焗爐焗至金黃色

*蟹肉絕對要索乾水份


My Luxbox


二用份收到 myluxbox送出既box

其實我諗無論係乜,收既時候都會好奇同開心

lux box裡面會有唔同品牌既skincare sample

咁每個月既box都有唔同既sample,總有適合你既

有時d產品或品牌,未心可以試得晒呢

每個月都有唔同既品牌同各類型產品



多謝mylux box仲送男士box比少爺,佢好開心!因為佢係會護膚既男生呢

由頭到腳都有,仲有對襪無影到呢










有興趣可以到MyLuxBox 網頁睇下

4個月 $360 或 12個月 $950 









2012年2月24日 星期五

Buy 2 get 1 free@朗廷酒店



喂喂!早前我見事頭婆去食buffet,去朗廷食,佢話唔錯

仲買二送一

於是我就約埋朋友去try try

咁呢星期六、日有蠔既,就$268+10% ,buy 2 get 1 free

咁我平日去$228+10% buy 2 get 1 free

我第一次去呢間酒店食,因為我愛萬豪、之後都愛yamm、再之後試過The market

呢間第一次試,仲有我成日行尖沙咀,但第一次入呢間酒店


感覺幾好

今次個buffet都感覺幾好,講真,我去既酒店要食物好外,服務都重要,加上而家香港整體服務質素真係下滑

萬豪好係水準唔太穩定,所以已少去了

好!講食物,唔錯!雖然平日無生蠔

但海鮮都ok,有剌身,Parma ham都有唔同款




都唔錯!



熱盤有好多架!咖哩都有5款

都有幾多揀

當然我無可能試晒吧

有唔使去飲都有得食既蟹鉗





燒牛肉,真心覺得唔錯啊!裡面d肉夠嫩




最得意係…每檯都可以揀條蒸"咦"

我朋友揀了紅油




甜品都多款,有好多古力甜品但無食

呢件粟子蛋糕好味




噢!我最愛movenpick既楓糖合桃雪糕

佢有雪糕筒配架!開心




整體來講,甜品都幾好!有好多款式呢






我覺得值得去try try,個優惠好似至二月底,你地打去問問吧



2012年2月23日 星期四

抽濕湯 (附食譜同高壓煲測試)


今日好濕,濕到心火盛

週街都濕、返到屋企都好濕

塊臉既粉底都好似唔知想點,好辛苦

每年潮濕都好煩

跟本…霧之戀實在太美化霧喇!我跟本晌大霧之時無心情...........去看身邊你

同埋潮濕個人都好似會吸濕,會變鈍

所以原本炆豬軟骨都要放棄,改為去濕粉葛

還記得粉葛湯嗎?好甜美又去濕,春天好適合

我唔悶都希望你唔會厭呢個粉葛,好粉葛架你

同埋今日我就玩個高壓煲,用一個鐘煲好個湯

不過…食譜人人用得架

食譜:

粉葛   一個,去街市叫姐姐幫你去皮切片,因為自己好難將冰出劈開的

粟米    兩條

紅蘿蔔   一條

瘦肉或鯪魚   一塊/一條

果片    一片

扁豆    半湯匙

赤小豆    2湯匙

做法:

洗淨材料,要切既就切、唔切既唔使切

瘦肉出水,如用鯪魚就煎一煎佢

扁豆 、赤小豆、果皮浸一浸佢

凍水落粉葛、紅蘿蔔、扁豆、赤小豆,煲滾,加入瘦肉或鯪魚、果皮煲

用高壓煲就煲45分鐘再翻滾10~15分鐘,用明火煲就煲3.5~4個鐘,熄火加鹽





粉葛切件,你可以切細d,但小心手因為好實

而我試用Fissler送既刀,易切

佢d刀有唔同手柄、弧度揀,你見到既紋係防止肉類黏刀既

Anyway...用刀要小心,尤其切粉葛,小心手啊




個高壓煲好易用,先蓋上蓋揀度數,煲湯用2度就可以

然後黃色線升起,然後綠色線升起時就將爐轉為細火,煲粉葛湯煲45分鐘,呢45分鐘唔使理佢,一直用細火



45分鐘後熄火,等個掣回落(減壓),跟住就擰去排氣,好快就聞到香味



唔好意思貪快用手機影

個湯已經幾濃




再翻滾10分鐘就可以,個湯夠味都好甜,同用明火煲一樣甜,同大少爺一樣甜

真係好得!用一個鐘煲四個鐘既湯

當然如果煲其他蔬果類既湯,時間可以更短

2012年2月22日 星期三

Crossover with Fissler (前奏篇)


今次我好想同大家分享,我將會一年內同德國品牌Fissler合作

我會用Fissler既產品去寫食譜

例如…高速煲、鍋具等等

當然我唔係一個推銷員,我寫既食譜係即使唔用Fissler都會用得著

不過…例如我用高速煲炆野用15分鐘,咁我會寫明高速煲15分鐘、明火...4個鐘

同埋我會用個Fissler鑊煎野,咁可能會多張相

但食譜都一視同仁

講真…我有呢個大品牌支持我好開心,但你地睇我blog既人同樣重要

所以放心!我依然係我,並無轉為推銷員




首先我
揀有隻高速煲、一隻鑊同一把刀,雖然佢地任我揀,但我先拎最多用途既先

一兩個月後再揀其他



高速煲又名高壓煲,我一直都怕,因為以前好似講到好危險咁

但今次見到姐姐用,又好好,原來有祕缺既

同埋Fissler係第一個出高壓煲既品牌


原來高壓煲可以三合一,同一時間底層滾湯、中層蒸飯、面層蒸野

我以後唔使再怕按飯煲掣




最底層滾湯

中層蒸飯

面層排骨



完成




Done~

我會多嘗試整乜乜物物、煲湯、滾湯、三合一、炆牛腩、炆牛筋、炆豬軟骨

食譜任你拎!哈哈








另外揀一隻鑊

你睇塊扒無加油



睇下

你睇下

無油既



你放塊扒落去唔好郁,我係話塊肉類唔好郁

你可以週圍郁

當一邊表面ok,就可以煎另一邊

個鑊唔黏既,你見有少少跡,只要用水浸一浸就會起架喇




仲有無水烚菜法




點解放冰上鑊蓋面,遲d話你知

唔用水烚菜都唔會黃架!咁唔用水烚,d菜營養就唔會一江春水向東流啦啦啦




我企晌counter睇姐姐做示範,15分鐘就三菜一湯啦啦啦





同場加映,我無拎到既碎菜機

機仔細細可以碎菜

有媽媽既BB適用,正確係有BB要食粥仔既媽媽適用,又輕身又方便碎菜啦



好!聽日我晌屋企玩煲,我要炆豬軟骨!哼

2012年2月21日 星期二

Afternoon 雞 (附富貴雞食譜)




琴日入別墅玩,睇我blog幾年既人都知Vanlily屋企係我別墅,哈

無錯!我同vanlily初初識時講過要做美食達人,後來攪聚會

再後來越來越多人,原來有人係唔知個宗旨喎,以為只係吃喝玩樂

不過唔緊要,我同vanlily點都堅持,因為志同道合相識,就好好保留呢份精神

要整比人食就當然諗最好既,我唔慣用求其既食物招呼人

一直好想再整富貴雞,於是就入別墅玩富貴雞

經過一次經驗,呢次更好味,因為自己懂得調較,拉上補下

今次我超滿意,如果問開blog咁耐我最滿意覺得最有滿足感既食物,一定係富貴雞

因為從前去北京樓,我總係研究點整,直到有信心自己整得好為止先去試

呢個代表作我一定會放晌書,因為實在太無得頂,哼

我同vanlily琴日4點半先完成呢隻雞,當下午茶食,失驚無神兩個女人下午茶時段嘆雞,哈哈

名符其實Afternoon 雞

好!今次寫埋水蛇春既食譜!

材料:
雞   一隻(大細視符你地幾多個人食)

甜梅菜 半棵切碎

蝦米     1湯匙浸軟

冬菇     6隻浸軟一開二

瘦肉     半隻手掌咁大,切絲,然後用豉油、糖、酒、生粉、麻油醃好備用



醃雞料:
老抽   半湯匙(如足夠搽勻隻雞就可以)

粗鹽   半湯匙至一湯匙(如足夠搽勻隻雞就可以)

薑汁    半湯匙(如足夠搽勻隻雞就可以)

酒   半湯匙(如足夠搽勻隻雞就可以)

麻油少許


包雞材料:

荷葉 兩塊

麵粉   454g 

水   200ml (如果太乾可以遂少加dd、太濕就加番d麵粉)

酒    1湯匙

鹽     半湯匙




做法:(看圖)

1.雞洗浄,
然後風乾半日,再搽上雞醃料醃一晚備用

2.瘦肉爆香,加入甜梅菜、蝦米 、冬菇同妙,可以贊少少酒提升香味,炒至香後熄火上碟備用

3.當 (2)餡料略為放涼,將佢塞入雞腔中,有咁滿塞咁滿直至隻雞鑊利回吐再塞唔入為止,用牙簽封口



4.將荷葉遂塊包住隻雞



5.兩塊荷葉包晒為止,包好放半個鐘至幾個鐘,視符你有無時間


6.將麵粉、加鹽、加酒,水遂少加入,然後搓,如果覺得太濕就加麵粉、大乾可以加少少水

麵粉用普通麵粉便可以

搓到唔黏手,轆開、轆到可以包住隻雞



預備包




7.,要完完全全包好,無任何洞洞




8.放入已預熱200度焗爐中焗 2.5個小時,如果隻雞大隻,就焗耐d

3斤雞焗3小時



Yeah!!!!!!!!!!!!!!!!!




人地北京樓有小金搥,我地用工具搥,哈哈

叩既呢一刻,係超興奮




隻雞香味撲出




裡面d餡都好好食,但好難影得到



隻雞好滑,連骨都軟晒

富貴雞又名叫化雞,從前係用火烤的

出面食會用泥,我用麵糰代替

同埋隻雞要煨到散散滑滑先叫成功呢


我仲整百花小棠菜比Vanlily食

good!仲教左佢整,但無食譜分享,我要放書的



Vanlily從來都唔會只坐享其成,佢一定會親自整d野招呼朋友

佢整bagel啊!仲送左d比我拎比大少爺




噢!超好食啊!真係好得呢




當大人Afternoon 雞時,佢個仔呀陳仔自己Afternoon duck

佢係咁咬呀"黃膠duck"

超可愛!好肉緊