2015年11月16日 星期一

Day 4 @台北


最後一日在台北,終於食到好味早餐

我無可能早起身去阜杭,更無可能帶住包包去排樓梯,即使好食都唔想一家人辛苦

第一日食早餐中伏好失望,幸好有人提我一定要試永和豆漿

係"永和豆漿",不是永和豆漿大王

永和豆漿得一間,呢度個燒餅油條好好味,個燒餅香脆的

不枉我落街去買比大少爺,有饅頭賣,我買饅頭比包包

 地址:台北市西門町漢口街二段


我每日都見到永和豆漿條街既街頭(7-11門口)有街檔賣餡餅

好想試,好感動!好好食,真係好好味

呢個牛肉餡


呢個蘿蔔絲


跟住去買呢隻咖啡比大少爺,我飲古古力


之後在酒店執行李同hea

check out後去食牛肉麵

"牛店"排晒隊,但好值得,我排了一陣,帶著期望去食

果然好好味

牛店地址:台北市西門町昆明街91號



牛腸,是限量供應的,用套腸做法去滷,無臊味之餘仲帶滷水香


呢個係大少爺滿漢麵,其實都只是多了幾塊牛肚

個湯要清燉,清得來其實都好有香味

牛筋不得了地軟滑,牛肉軟而不化,呢個係我下次去點都會再食之一


我既筋、肉麵,真係好味


蜂大咖啡

咖啡真係好香

我買了合桃酥同雞仔餅回香港,好好食

好彩有買到

星期六有市集


行過一間麵包店買麵包時發現呢個蜂蜜水果蛋糕,晌機場食時簡直嬲自己買咁少

佢實而不華,可惜…我記得地址唔記得佢個店名


跟住繼續行街買手信、買小食回港

之後返酒店拎行李,酒店幫我地搵的士,仲講好價 1000台幣就去到機場

真係好好的酒店


我晌機場行街,佢就晌度週圍走,今次旅程好開心

有了今次經驗我下次去九洲會更開心

台北既人好友善,會讓座、即使我晌百貨公司睇護膚品,睇完唔買佢依然笑容滿臉

好多餐廳有換片設施、酒店一樣照顧週到

有時諗起香港不斷倒退,情何以堪呢?

遊記







大少奶's Delicatessen

宣傳你的專頁

沒有留言:

張貼留言

歡迎大家留言,但會先檢閱先會顯示,謝謝
此舉避免無聊九唔搭八人滋擾