2016年7月29日 星期五

BB鮮果冰冰

夏日炎炎,要消暑好多大人小朋友都會揀食雪糕雪條

雪條除了消暑外,仲有一個功能

就係BB出大牙時可以減輕佢哋牙肉痛楚,可以比小小雪糕或雪條佢哋食去舒緩(當然只可以小量啦)

但坊間好多既雪糕雪條內含奶類、色素等等,當中好大機會含有牛奶蛋白,有可能令BB腸胃敏感喎

咁就不如自己整吧!

我試過用純果汁去整,但因為可以做雪條既果汁例如士多啤梨、奇異果等等都會帶酸
*用呢類生果既果味比較足,唔再加糖等等都會有好香果味

用奶去中和味道係最好,為咗避免用到帶有致敏性的牛奶蛋白,於是我試用防敏嘅pHF水解蛋白配方 超級能恩3號奶去試做,

出來效果都不錯,至少係個仔食開既奶口碑好,又係最多醫生推薦,可以防敏,加上自家雪條無糖、無色素,即使用來比較細既小朋友食都較健康呢,想睇吓其他食譜可以睇呢到:https://goo.gl/bjvrnu



食譜:

新鮮士多啤梨  5-6粒

超級能恩3   奶粉  2匙 + 水60ml   沖成2安奶

做法:

將士多啤梨打成果蓉


沖好2安奶放涼,加入果蓉中,攪勻



放入模具雪一晚便完成

圖中淺色既係香蕉

香蕉   半隻

超級能恩3奶粉  2匙 + 水   60ml  沖成2安奶

香蕉半隻打成蓉

沖好2安奶放涼,加入果蓉中,攪勻

放入模具雪一晚便完成

#資料由雀巢營養天地贊助




小吉

是咁的…自從包包歲半旅行後

我帶佢出外飲食,除了甜、炸、辣、甲殼類、或太濃味既食物外,都唔太限制佢

始終出外食既機會佢唔算太多,無謂帶佢出外又限住佢

所以都會好留意佢喜歡什麼味道既食物,有邊款我可以整得到

無論平既、貴既餐廳佢都有去過,大人食乜就跟住食

雖然我同大少爺經常都會帶佢去好既地方食飯,但唔會因為咁令佢只去好既地方

茶餐廳照去、半島酒店飲茶又去

從中我了解到個仔喜歡食乜,有時我去了街,那個大少爺就會享受飯盒

其中吉野家係佢選擇之一,呀包又喜歡食,我亦都寫過食譜教大家整

但小朋友版本就第一次寫,小朋友同大人既分別係.......小朋友用最少既調味

味醂都唔會落,用少少生抽、糖、去鹽去較味

加上蔬菜去煮,佢連植物都食(*佢對植物類食物興趣不大的)



食譜:

牛肉片      大約200-300g(自由選擇)

洋蔥    1/4個切幼絲

西蘭花、菇等等可以自由配搭

汁料:(這份量足夠3-4人)

醬油/生抽      半湯匙

老抽     少許

糖   3茶匙

鹽    少許

水    大半碗 

做法:

牛肉片炒之前加少許鹽撈勻,爆香牛肉至半熟盛起備用

 

原鑊爆香洋蔥、放埋西蘭花、菇入去煮,等佢出味

將醬汁材料全部攪勻後就落鑊煮


牛肉回鑊,再試味,唔夠鹹加鹽、想甜d加糖

但因為牛肉本身撈過鹽,再咁煮都會出到味,所以最後先決定吧

咁就done喇







大少奶's Delicatessen

宣傳你的專頁

2016年7月26日 星期二

smart薯

近日病了,感冒真係好難好

加上心情又麻麻,總覺得真係乜心機都無

從前心情唔好可以縮埋一舊,自己望住個天花去沉澱

但而家即使天塌下來我都仲要照顧個仔,但我相信這是一種幸福,而呢種幸福係上帝給我的

病既時候都要煮比包包食,但呢個moment你會發現整定d食物加熱比佢係最方便

當然呢類食物唔會係無益既,我早就整定了三文魚豆豆薯餅放冰格

然後焗番熱佢比包包食,最重要係.....包包見到金黃色既食物就會歡喜

焗熱個薯餅然後煮個番茄意粉比佢就兒童餐咁既款啦,哼

呢張相有深或同淺色,深色係用煎既方法,而淺色係焗既方法

比個仔食當然用焗既方法會好得多啦



材料    

一個薯仔、4片三文魚(我用剌身),豆角2條

鹽    少許

奶   半湯匙

蛋    1隻

麵包糠   適量

將三文魚搽些少鹽然後就蒸5分鐘

豆角就烚一烚佢切粒粒

薯仔切成片再蒸15分鐘壓成薯泥

將三文魚、薯仔、豆角撈勻,加半湯匙、少少鹽撈勻


做成圓型既薯餅,再灑上麵粉

搽一層蛋液



最後沾上麵包糠,就可以放入冰格,食既時候拎出來

用180度焗到金黃色(時間20分鐘咁上下,個個焗爐唔同自己睇佢轉色吧)





大少奶's Delicatessen

宣傳你的專頁

2016年7月25日 星期一

雲腿冬菇蒸斑塊

住在深山既我,總會買定唔同類型既魚以備不時之需

而蒸魚就係一家大細都食得既菜式

蒸魚都可以攪攪新意思或用唔同配搭去做

今次用金華火腿、冬菇配斑塊

當然唔少得李錦記蒸魚豉油啦

李錦記蒸魚豉油跟大廚秘方調校, 味道鮮甜, 新手都可以整到酒家級風味呀~



食譜:

斑塊   2件

金華    8小片

冬菇    3隻(切片)

做法:

斑塊沖一沖水再索乾水,切件備用

冬菇浸軟後切片、金華火腿沖一沖熱水後先蒸20分鐘

將冬菇片及火腿片放入魚塊中,蒸10分鐘

最後加上李錦記蒸魚豉油便完成

2016年7月22日 星期五

自給自足


自從上次自己整雲吞後,我一直都整牛筋撈麵

喜歡食牛筋,但出街食份量越來越小

為免到喉唔到肺,我決定自己炆比大少爺食

當然呢個柱候牛筋好成功,成功到大少爺話要帶飯

而我因為唔太舒服所以食得小小,但煮比大少爺食先係人生既重點

牛筋有兩種,一種未發既扁身,一種凍肉店有發好左既

但未發既我試過煮,煮足一日都未必稔

所以用發起既,一煮好快就稔了

食譜:

牛筋   2磅

洋蔥   1個

乾蔥粒   6粒

蒜頭   2粒

薑、蔥  隨意

調味:

柱候醬  2湯匙

生抽   1湯匙

糖   2茶匙

老抽   少許

酒   少許

水   1碗或蓋過面

做法:

牛筋解凍沖洗後飛水,煮大約10分鐘

將洋蔥、乾蔥、蒜頭、薑、蔥爆香後加入牛筋兜一兜


加入所有調味料(除了水)兜勻

最後加水,煮滾後轉小火炆大約1.5至2個鐘

*其實可以睇下牛筋稔既程度再決定炆幾耐d




大少奶's Delicatessen

宣傳你的專頁

新書發售

循例........都要講:新書書展有售 "大眾攤位hall 1C"齊晒3本
之前晌書局買唔到既可以晌書展買,仲有8折添
但再早幾年出既四本就應該買唔番了(好似係)
最新著作:大少奶湊B榮譽證書

內容:
學員大少奶於一年內修畢湊B精修班,期滿成績優異,獲得「不躁底、不張狂、不害羞、不馬虎、不厭其煩、不眠不休、不修邊幅、不可思議技術人員」資格,特此證明。
I will now recap in English: This is to certify that TAISIU9 is an excellent mother although not perfect. 

「我一向不吃橙,常常覺得橙有陣垃圾房的氣味。話說我竟然剝橙,還要慢慢起出橙肉俾個仔食﹗」向來精靈鬼馬的大少奶,如何放下身段湊住個仔探索世界?湊仔的瘋狂事都讓她化成輕鬆幽默的字粒,逐粒吐出來,哼~

書中還介紹五十款食譜,爸爸、媽媽、BB都岩食﹗



2016年7月18日 星期一

雙心

 幾分"雙"心幾分痴

舊事從夢裡也不再有意思

夏天我好喜歡整凍糕,而且喜歡有椰汁既

但整來整去整來整去整來整去都幾款有d悶

於是今次試用斑蘭加椰汁

斑蘭令人最熟悉係蛋糕,我都整唔少

但其實佢既香味可以整唔同甜品,呢個用新鮮斑蘭葉去整既凍糕

顏色靚又清香

重點:新鮮班蘭整既綠色..輕柔又如水清澈......令我心靈回復恬靜

易整又靚好好味~

哼~




食譜:

斑蘭層

斑蘭葉    3條

奶      100ml

糖    3湯匙

椰汁    100ml

魚膠片  10g (用冰水浸軟)

椰汁層

椰汁    100ml

奶     100ml

糖    3湯匙

魚膠片   10g (用冰水浸軟)


1.將斑蘭剪碎



2.加入奶然後打碎,隔起d葉碎


斑蘭奶加糖座熱至糖溶  
*斑蘭係要座熱後先會有香味散發,否則只有草青味

加入浸軟魚膠片

最後加入椰汁攪勻


放入盒先雪至凝固


椰汁層(無影相)

奶加糖座熱,加入浸軟魚膠片,最後倒入椰汁,略為放涼後就可以倒上斑蘭糕面雪至凝固(2小時以上)

*答了一萬次,魚膠片/粉相同份量




大少奶's Delicatessen

宣傳你的專頁

2016年7月14日 星期四

Hot pot @酒鍋

 其實火鍋都唔一定係冬天先會食,好多時夏天一班人都會想食火鍋

呢個火鍋文化早已經植根晌香港人心裡面

簡單來講:有條火鍋根

早排天氣最熱時我去"酒鍋"食火鍋,肯答應既原因我覺得佢既湯底好吸引

而且裝修、餐牌都係好新格調既,加上現今餐廳都唔會怕無冷氣既呢



打開餐牌,見到多款好吸引既湯底介紹

但總括來講....當然一次過能就多款味道係最理想既

於是就要個酒火入鍋



我食呢個set $488一位,除了飲品外,其他都係套餐內既食物 (詳情到時看餐牌)


或者我係寫食及做食譜

我要求既湯底係每種味道都要去到盡

麻辣要夠麻,海鮮湯底要夠鮮,總之你比得五款我,就要五款都不同個性

咁呢度係做到既,五款湯底既層次及味道都好大對比

麻辣..堅夠麻,如果你問我夠唔夠辣既話,佢夠麻亦辣,個麻佔既比例較重,亦係我心目中喜歡既麻辣

龍蝦湯...呢個係我同大少爺都最喜歡,好多火鍋店都會出唔同湯底,但好多胡混過去,因為好多人對火鍋個湯底未必太有要求,但呢個龍蝦湯係真材實料去淆的,鮮味度係滿分

牛腩湯...呢個比較清,適合用來煮烏冬比包包,牛腩有嚼勁但又唔會覺得硬同實

沙爹湯...呢個沙爹湯比較濃厚,佢既濃度可以掛上食物,比坊間沙爹湯做得好

木瓜蝦湯...開爐時會倒入酒再點火,其實我一定都無乜點理佢,但到最後試飲先發現當酒揮發後個木瓜湯幾得好清甜,我唔忍心令佢受污染,只落花甲落去,所以個湯既鮮味比老火木瓜湯更甜



點火的一刻


講完湯底就到食材

呢個響鈴必點的,佢除了放入湯外,就咁食配個酸甜汁都好得啊

我同大少食忍唔住就咁食呢


牛頸脊 ...火鍋既牛肉當然重要

牛頸脊亦係好適合火鍋食既,佢灼完都夠軟熟



羊肉配麻辣湯底


桂花蚌...呢度既蚌係厚切既,灼完都好夠爽


心干寶貝  



鱔片


紫菜蝦肉餃...呢個餃味道唔錯!但今次食覺得個皮厚了少少

餃皮薄身d會更好的


花甲配蝦,將花甲放落木瓜湯度,個湯都變得更鮮甜




當然火鍋唔少得飲品,我呢杯薄荷荔枝梳打好好飲

好飲在…我本身喜歡薄荷呢


如果唔飲薄荷都可以試呢杯,呢杯用芒果打成的




包包幾開心,謝謝邀請~雖然當日都幾熱,但我一家三口都食得開心

















2016年7月12日 星期二

花癲

星期日同大少爺去嘉麟樓飲茶

咁佢叫花膠炆伊麵啦!食完全日不停讚好

又話個汁夠膠質、又話點好味

我呢d最唔忍得,就膽粗粗話:不如我試下整

就係咁我就整比大少爺食了

當然好成功,無乜難度,中間不停試下又加下咁就完成喇

食譜:

發好既花膠    1塊切開(手掌咁大)

瑤柱   2粒(加一碗水去蒸1小時,瑤柱水留起做汁)

銀芽及韭王   各隨意

伊麵      2個

汁料:

蠔油   1湯匙

瑤柱水   1碗

水     半碗

生抽    1茶匙

糖   1茶匙

老抽    半茶匙

(所有汁料撈勻備用)

做法:

花膠剪細件、瑤柱蒸好後就撕開


伊麵先出一出水,但唔好煮咁耐

汁料煮滾,然後加花膠及瑤柱慢火炆15分鐘

加入銀芽及韭菜兜勻

最後加麵上去兜勻,可以加少少生粉水令佢收汁便完成






大少奶's Delicatessen

宣傳你的專頁

2016年7月7日 星期四

蒜點先?

我連自己新書出版都未得閒寫上blog就先寫個食譜,算唔話得啦

長話短說,否則臭包一醒我又寫唔到食譜

是咁的…我搵到個好好好好食又香又脆但又唔使打牛油、無糖既餅乾仔食譜喎

佢用新鮮蒜蓉、芝士粉撈埋麵粉就完成

易過我叫臭包午睡的,而且佢堅好味

如果比小朋友食可以唔加蒜蓉,免得小朋友清純既咀仔變臭

就咁用芝士粉都好好食

越食越想食,哼




芝士粉  2茶匙

蒜頭    1粒磨蓉

低筋麵粉  60g

鹽        少許

橄欖油    1湯匙

鮮奶      20g

做法:焗爐預熱160度

將蒜蓉加油撈勻


芝士粉、低粉、鹽過篩

將蒜油加入撈勻


最後加鮮奶搓成糰,碌平(薄身)後放入冰格雪30分鐘以上


用叉篤洞洞,然後用切格仔方法切成一格格(如圖)

160度焗15-20分鐘便成了








大少奶's Delicatessen

宣傳你的專頁