2016年11月23日 星期三

包包第一次去澳門 @ 永利皇宮

 包包去過旅行搭過飛機,但未去過澳門

早幾年經常往澳門工作,去唔同酒店試住、去不同餐廳試菜但都無好好享受過

來去匆匆地食完呢一場就去第二場

最難忘既一間酒店就係永利酒店,當時酒店公關帶我去睇永利酒店內每一件擺設

每一件都係設計師去挑選,當時我才驚覺永利酒店不止那棵發財樹同Chanel(不得不提款式真係比香港多啊,哈~)

當時已經知道永利酒店將會開多一間渡假村,眨下眼已經落成

晌Facebook不停見到相片,酒店內有纜車,也有一貫永利作風有不同鮮花做裝飾

所以便決定帶包包去一趟

我去當日太大風無得睇呢個表演湖啊!所以借用酒店提供既相片呢


我住湖景房間,個泳池都好靚



客房隻顏色幾靚


因為我知道張床夠大所以無request BB床比包包

佢一入到房我都來不切影相佢就馬騮咁週圍行


好喜歡帶佢旅行,佢每次去到酒店都會好興奮跑又好奇

雖然帶住佢無乜自由又多顧忌,但有佢既日子真係好開心







好喜歡呢朵玫瑰花,之前見到已經好想要

終於得到了,開心


晌酒店休息一陣就落去酒店行,不得不提呢度間 Chanel又係有香港無既款,哈

因為酒店有 shuttle bus去不同酒店甚至及舊城區,所以出去行街及晚飯

然後回酒店又影下相,之前有鮮花做既摩天輪及旋轉木馬

但原來一個月會換一次,今次我去既係風車同魔法盒,包包睇個魔法盒 N次呢




咁早回酒店就係要帶包包係纜車,包包一來到已經講了一日話想坐


雖然那晚好大風,表演湖無表演做

但坐上纜車都好開心,部車會環繞個湖既一週

那個恨坐了一日既包包卻靜靜地坐,因為佢驚驚地,哈



坐完帶包包食雪糕,晌屋企包包係嚴格同零食隔絕

但出外玩我就任佢食,人最重要開心!難得去玩就要盡興




我去既時候係萬勝節前夕,所以有萬勝節theme既蛋糕



Strawberry and mango sorbet

呢度個雪糕好好食,後來第二日自助餐都有雪糕,一樣好好食

我見到有杏仁餅味,原本打算走之前再買來試但走時太匆忙了


玩完一日臭包包仍然好好精力

我同大少爺完全要攤上床休息,呢個馬騮自己通房玩


因為唔想逼包包太早起身食早餐,所以叫 Room services

我化妝途中兩位服務員就已經晌房set場


一早見到個果盤已經夠開心


絕不馬虎的


同餐廳一樣多選擇


兩父子吃中式,檯下設有蒸櫃保溫


點心都好好食,其中個魚粥足料不得了,可惜忘了影相


大少爺正服侍少爺仔,佢好幸福



早餐後包包拎住車票去懷念坐過既纜車

好唏噓既想當年......................

之後我帶了包包去了另一間酒店既兒童遊樂場玩

再回酒店食午餐






因為太多人,所以影唔到太多相片


朱古力專區,喜歡朱古力既人就可以瘋狂去享受朱古力了 






食物都唔錯!錯就錯在我份早餐太飽,哈


中式corner有個上海菜區,合晒我口味



我越年長,個甜品胃就越細,但又不能完全無甜品

人生也不能沒有甜嘛

澳門好幾間酒店既 Fine dining係唔比小朋友入

永利皇宮既餐廳包包都唔係間間入得,但過澳門我好想帶佢兩父子飲茶

於是同公關好友傾過,就帶佢我兩父子去永利酒店既永利軒飲茶

反正都有車來回

先來頭盤,除了那個醉蝦唔食得,包包乜都喜歡食


估唔到個臭包喜歡素燻腐皮


大少爺就喜歡雪映叉燒包



黑毛豬叉燒好好食,肉質鬆軟


呢個帶有茶香既京典茶皇雞的確好好食

包包又係食晒三件,其實佢真係好食得下


呢個甜品拼盤有桂花糕、合桃酥仲有個奶皇卷

個奶皇卷真係必食


你睇呀包食奶皇卷食得幾開心!不得了~~~~~~~~





謝謝酒店比我呢個美好安排,包包人生第一次去澳門都玩得好開心呢

有機會我必定會去試埋永利皇宮既餐廳,哼





大少奶's Delicatessen

宣傳你的專頁

沒有留言:

張貼留言

歡迎大家留言,但會先檢閱先會顯示,謝謝
此舉避免無聊九唔搭八人滋擾