Day 3 @ Seoul

貶下眼最後一日

由於我唔想放低個仔太耐，所以只有3日時間

但已經心足了，畢竟人要知道自己係什麼位置

而我個位置就係要顧及家庭，有3日可以出外走走已經好好

一起身食完早餐就去首爾機鐵站 check in

原來大韓、韓亞及濟洲航空可以晌機鐵站check in及寄行李(同香港一樣)

但當你check in完拎 boarding pass就去打個印，打完呢個印呢就利害了

你去到機場唔使check in，即使過保安檢查同出境都可以行crew channel

即係特別通道係比機組人員或職員行的，又快又方便又唔使排隊好爽架

無行李一身輕就去新村，週圍都開晒櫻花

不過韓國櫻花有d不同，係偏向白色

行過一間 cafe Beans Bin個waffle好吸引就走入去食 

我同朋友share，個waffle超級得，好好好好食

因為飯前只敢叫半份，個士多啤梨又超甜，好開心啊

跟住週圍行

去食" 站著吃韓牛"

首爾特別市麻浦區老姑山洞109-69番地 

(서울특별시 마포구 노고산동 109-69번지)

佢就係咁食，站著吃！只供應飲品及牛肉

飯同泡菜要自己買，附近有便利店的，但記住…個飯要叮一叮

炭火燒既牛肉特別好食，而且據說佢係用溫體牛

牛肉質感好好又香又好味

佢會以人頭計算，你兩個人就兩份，係牛肋骨的

我同朋友2個人食了.....3份！哈

牛肉醃味唔多，肉質鬆軟烤完都唔會變硬

好食！

之後繼續行街，去三清洞

其實當時已經時間無多，只可以到此一遊

但都食個甜品

呢間聽說好多人推介的，好味

完全清涼

週圍影相

呢度d洞洞地方，好多都有從前建築物

跟住就去仁寺洞，我為了買豬手

以往我自己出走旅行一定會買好多手信比大少爺

但佢唔鍾意韓國衫，又無佢愛牌賣

只能買食既比佢，佢好喜歡食豬手

我流住鼻血去搵呢隻豬腳

一去乾燥地方我實會流鼻血，幾經辛苦先止到鼻血就繼續搵

搵到了，呢隻係出名既豬腳，價錢唔算平 31000won

香到不得了，佢一共三盒

網址：http://www.manjok.net/

一盒豬腳肉、一盒泡菜、一盒醋汁

但要留意，帶上飛機就要掉盒醋汁，液體限制的(甚至直頭叫佢唔使比醋汁)

今晚晚飯蒸熱佢食，好食到不得了不得了

跟住趕返去機鐵站超市，買我寶貝仔最喜歡既奇異果、士多啤梨

臭包今次有韓豬契媽送韓國巴士、又有媽咪買大量新衫、又有最喜歡奇異果同士多啤梨

包包今早先見到我，一起身眼都未撐大就話：媽咪，我要巴士、我要玩巴士

我都唔執輸今日係咁攬住佢錫

9900 won咁大盒，一路行一路聞到香味，甜到不得了

平過日本品種好多，但味道又唔輸蝕

焦糖餅

回程了！有人等我回家的感覺真好

再見了首爾，唔知幾時會再來，但今次留下美好印象呢

大少奶's Delicatessen

宣傳你的專頁