2017年4月11日 星期二

Day 2 @Seoul

由於之前太累,一夜好眠後又一條好漢

就去狎鷗亭附近食午餐,狎鷗亭....好多整容診所既呢

先去食牛肋骨同水冷麵 

"江南麵屋"
論峴路152街34


我好喜歡韓國地道泡菜


呢間最出名牛肋骨同水冷麵


牛肋骨好鬆化,而且個做法唔會太鹹

但份量太大,兩個人都叫二人份量都食唔晒


水冷麵反而比較一般呢


以下是整容醫院既外貌,最想要既童顏啊

沿路都見到不同整容醫院,老老實實咁既環境唔係唔入去整下嘛?哈

當然我無去整容,但呢度咁多整容診所,真係想入去睇下自己整靚d要幾錢

我只需要整高個鼻同抽十大桶脂肪咁啦


你睇,美得像酒店


成幢都係整容





之後朋友帶我去林蔭太道,一個好舒服、好好行地方

好鍾意呢度,d鋪頭仔賣既都係靚嘢


朋友帶我去呢間cafe,實在不可思議

個彩虹蛋糕好食到不得了,大家只會覺得彩虹蛋糕得個樣靚

呢度係超好味

Dore Dore
地址:首爾市江南區新沙洞544-4(강남구신사동544-4)



佢超級鬆軟,又夾上士多啤梨,個cream唔漏

實在太開心




之後繼續遊走新沙洞,之後去 江南 (即係江南style個江南)

其實佢似CWB,鋪頭都係似CWB

我覺得本土特色唔多,或者…我太熟悉銅鑼灣,哈


行一陣就要去食飯,因為夜晚要返東大門買衫

d商場要夜晚先開門

食呢間沙灘的珍珠 
沙灘的珍珠 갯벌의진주 (新論峴站)
地址:서울 강남구 논현동 163-12 2층


佢有蒸海鮮同烤海鮮,而我揀烤海鮮


我覺得佢係貝類為主 

個蟹蓋雖然只係配蟹腳肉(近似蟹柳),但係佢加埋個蟹膏去煮後就超好食



除了上圖,仲有咁多





噢!呢幅相有味道的

韓國海鮮好好食,鮮味得多


呢個係乜?腸仔?蟲?

呢個其實係有番薯夾心年糕,不可思議但非常好味


仲有兩隻大蝦


帶子炒意粉,唔知點解…煮煮下變了白汁


我兩個趕回東大門,為了去呢度

呢個又係批發場,但買夠5件(或指定數目)就會半價

佢底層賣既飾物好靚,揀5件容乜易喎

我係咁買耳環好開心

呢個場既衫如果零售價買多數都係$400-500一件

咁當你去到韓國當然想平d,但呢個場d衫係幾個場中最高質同款靚

韓國衫最大特色係多 details位,近年比日本衫優勝

如果同幾個女仔朋友來,晌一間舖買夠5件(或指定數目)就好抵

而且呢個場係最整齊的

我間酒店樓下就連續有幾個零售場,但d衫簡直無眼睇

最後行一陣買了5件衫一條裙褲

最後條褲我拿出勇氣講價平了10000won

行完又上酒店放低戰利品及試衫就去消夜呢






大少奶's Delicatessen

宣傳你的專頁

沒有留言:

張貼留言

歡迎大家留言,但會先檢閱先會顯示,謝謝
此舉避免無聊九唔搭八人滋擾